مشكلة

انا مشكلتي اني عمري27سنة وعمري ممريت بقصة حب في حياتي ومن قيمة شهر اتعرفت علي شخص حسيت انة كل الدنيا لاباكل وبنام ولاعارفة اشتغل ولا عارفة اعمل حاجة خالص لحد مشل تفكيري ولاني بشتغل مع الاطفال بقالي مدة لاني زيهم في كل حاجة حتي الزعل التفكير البراءة ودة مش راي دة راي كل اللي يعرفني فجاة بدون مقدمات سابني ومش عارفة لية حاسة اني في حجرة ضلمة ومش عارفة الاقي الباب علشان اخرج اترميت في بير ومش لاقية ايد تطلعني من اللي انا فية بصرخ بكل صوتي بحاول اخرج منهارة دة اول حد في حياتي كل اللي قادرة اعملة اني اعيط لوحدي لحد لما انام واصحي علي كل كلمة كان بيقولهالي اعمل اية انا منهارة يارب انتي احن واحد علية ساعدني بقي خلاص انا اتحطمت وهموت خلصني يايسوع انتي حبيبي الوحيد لو حد يقدر يساعدني علي اجتياز محنتي لكن انا عارفة محدش يقدر يساعدني غير يسوع انا عايزة اعرف انا غلطانة علشان صدقت كل كلمة واتعملت بطيبة في زمن مافهوش غير الغدر لكن انا كنت فكرة ان الناس كلها زي طيبين بس نفسي اعرف الغلط فين فية ولا في مين صلولي

بصى ياقمر المفروض انك لما تختارى حد لازم يكون اختيار صح من الاول ولازم يكون رسمى يعنى لو كل كلمه بيقولهالك بجد وبيحبك حب بجد مش لعب عيال وتسليه وانو شايفك شريكه حياتو مافيش حاجه اسمها بنحب بعض من غير ارتباط رسمى والدنيا مش بتقف احنا اللى بشوفها وحشه واحنا اللى بنشوفها حلوه بصى حاولى تنسى لانه بدل ماهو اتخلى عنك سورى هو كدا مايستهلكيش لو انتى حبيته بجد وممكن بردو يكون انتى فى حجات زعلتيه فيها مش هنجيب اللوم كلو عاليه بس اقولك انا بنت زيك وعارفه يعنى ايه تكونى بتحبى حد ويتخاله عنك بس حبى تانى وانسيه بس لما تختارى اختارى صح عشان متتصدميش تانى ويكون ارتباط رسمى هيكون افضل ليكى وليه هو كمان حاولى تنسى ياعسل وصلى وقربى من ربنا واطلبى منه انك تنسيه وربنا معاكى ويحافظ عاليكى

اختك ريمو

اختى العزيزة سوزان في البدايه احب ااقولك انك انسانه رائعه لان كل من يحب فا هو رائع ولكن الي حصل من الشخص دة ماكنش رد مناسب لي حبك الي انتى بتبكي عشانه ودايما احنا بنقول الي فات مات وخلص ومتندميش في يوم على انك حبيتي وتبكي لا ابتسمي وافرحي لانك قادرة وموجودة انك تحبي وتعيشي حياتك طبيعي تانى واذا كان الظلام شديد على حزنك ارفعي ايديك لي فوق هتلاقي النور في كلمه يارب مالي سواك ارتمى في حضنه واشكيله همى هو الي هيحس بي دموعك ويهداوي كل جرح فيكي واشكريه على التجربه الي مريتي بيها لانه ليه قصد فيها وليه حكمه.....لست انت تعلم ما اصنع الان ولكنك ستفهم فيما بعد ......واشكريه لانه حاطك في عملك وحياتك وسط الاطفال الي هما احبابو الي هما الحنان كله والامان الي افتقدتيه بغياب هذا الشخص ارتمي في وسطيهم وعوضي حنانك بيهم وصلي لي ابوهم السماوي هو الوحيد القادر على احلال الظلام من حياتك الي انقضاء الضهر ربي لست اعلم ما تحمله لي الايام ولكن سيدي الحبيب يكفيني ثقتك انك معي تعتني بي وتحارب عنى

بصى حببتى انتى طيبه قوى واحنا فى زمن ميعرفشى الطيبين وانا ست متجوزه يمكن افهم اكتر منك شويه 0 الرجاله بتحب بطريقه مختلفه عن الستات 0 الستات عاطفيين زياده عن اللزوم لكن الرجل بيكون شهوانى اكثر وكل اللى يفكر فيه هو رغبه عوزها من البنت اللى معاه 0 انتى اكيد رفضتى تتنازلى علشان كدا سابك طبعا انا بخمن بس لو دا كان السبب يبقى مش بيحبك وميستحقش انك تزعلى عليه لحظه لانه مش بيخاف عليكى طبعا مش كل الرجاله كدا0 صلى وكيد ربناربنا هيبعتلك انسان كويس ودا هيبان لو كان بيحبك اكيد هيجى يكلم اهلك و بتمنالك اتوفيق

ان عايز اقللك حاجه مهمه جدا ان الله بيعين لكل شخص الشخص المناسب فى الوقت المناسب والله مبيتاخرش خالص لكن احنا اللى بنستعجل ز وانتى فى حياتك هتمرى بمحطات كتيييير متزعليش انك سبتيها لانها مش مكتان الوصول وانا واثق ان الله ليه قصد من كل حاجه بنمر بيها و الموقف ده هيخليكى اكتر نضجا والوقت ده افضل وقت ممكن ترتمى فى احضان الله فيه

اختي في المسيح سوزان
ان الله له غاية في كل شيء وليس هنالك شي اسمه صدفة
ان الرب قد فعل ذلك لمصلحتكي لان الرب يحب اولاده كثيرا ولا يمكن ان يدع ابنته تتألم

ان الرب قد عرف ان هذا الشخص قد لاينفعك في المستقبل او له شيء رائع يقدمه لكي سوف تشكرينه على الشيء الذي فعله

دعي ثقتكي بالرب يسوع كبيرة ولا تسمحي لاي كان ان يتدخل بعلاقتكي مع الرب

فكري بيسوع .. لاتدعي نفسكي تخوض التجربة

المجد للرب

انتى اكيد مش غلطانه ياحبيبتى
بالعكس واضح انك رقيقه قوى
اللى حصلك ده مجرد تجربه بيمر بيها اى انسان
المهم انك تتعلمى منها وما تخليهاش تأثر فيكى
وربنا اكيد هيختارلك الاحسن
المهم ما تتسرعيش
ومش اى تجربه تعدى بيها تسيبها تسيطر عليكى وعلى مشاعرك
اتفقنا ياجميل
اختك مريم

كل ده كلام غلط

الى اختى فى المسيح انا شايف انى كل الزعل ده مش هيفيدك والحزن وانى الدونيه وقفت واساسانه اسف لانو ميستهلش وكمان فكرى با عقلك دلوقتى لو فضلتى تعيطي هتستفادى ايه فكرى ليه ربنا حطك فى الموقف ده واديكى كمان اتعلمتى حاجه وافتكرى الايه الى بتقول كل الاشىء تعمل معان للخير للذين يحبون الله الدونياء مش بتقف انما ركزى فى شوغلك وانسى وابقى خودى بالك وربنا معكى ويحميكى