مشكلة ضيعتني

مرحبا
هاي اول مرة بفوت عالمنتدى وهيدا اول نهار بتسجل فيه وتكون صريحة انا كنت عم فتش عاي منتدى بقدر فضفض واحكي لان بصراحة مخنوقة وحاسة كتيير مضايقة
انا مرتبطة بشب وناويين نتزوج صارلنا منحكي مع بعض من اكتر من سنة , بالمناسبة الشب مسيحية وانا مسلمة,بحياتو كلها ما غلط معي بكلمة او حرف وأخلاقو كتير عالية وكتير محترم ومش من الشباب اللي بيحكو بنات او بيضهرو كنت مرتاحيتلو بشكل كبببييير كتير , عندي رفيقة كمان مسيحية ومن اعز رفقاتي ورفيقتو كمان يعني انا عرفتا عليه وكنا دايما نضل سوا, انا ساكنة بمنطقة بعدية عنو يعني كل فترة تشوفو بس منحكي عن المسنجر, المهم كان مخبرني طريقة بقدر اقرا كل الشات اللي بيحكيهن عالايميل, وكان معطيني باسوورد تبعو ودايما بفوت بشوف شو بيعمل شو بيحكي وهو بيعرف, من يومين قريت شات حاكيها مع رفيقتي, شي مش طبيعي انو حكي ما تصورتو شي صدمني انو ما بقدر احكيهن بس كتير حكي منو منيح وانو عم يتفقو تاني نهار يعملو علاقة, وانا كنت عارفة تاني نهار بدو يشوفا بس مشان يدرسا.
انا لما قريت جنيت خاصة مستحيل صدق انو بيحكي هيك حكي انو انا ما غلط معي وصارلي اكتر من سنة معو وحنتزوج .
لما سألتو نصدم وقللي منو حاكي شي وانو ما بيحكي هيك وهي كمان . جربت كل الطرق وقلتلو خبرني وقللي انت وبعدو بقللي منو هوي اللي هيك حاكي ويمكن حدا فايت عالميل وعامل هيك قصة.
انا ضايعة والله ,مش قادرة اتركو لأن ما حلاقي انسان متلو كمان مش قادرة انو مستحيل مستحيل صدق انو هوي قادر يعمل هيك انو حنتزوج وما زل لسانو معي بحرف وهديكي رفيقتي كمان انو دايما سوا وكانت دايما مشاكل هيي وياه وانا كنت ضل صالحن مشان نضل سوا
انا قلبي وعقلي جزء كبير منو مصدقو بس في احساس قاتلني لان ما عم بقدر لاقي حل كيف وصلت هالشات ما عم لاقيلا تفسير, وانو عالاقل كان لازم لاقي قبل حكي او شي,
سوري وجعتلكن راسكن بس بدي حدا احكيلو ويسمعني