حبيبة قلبي مدام ماري تعالي بقا

من طرف **bosyabdo** الخميس ديسمبر 17, 2009 12:04 pm

فتحت عليكي طبعا فتحه
معلش انتي الكبيره ههههههههههه
بصي بقا يا ستي

خدي كلي السندوتش ده
واشربي البيبسي ده معايا وجاوبي بقا علي اسئلتي وبصراحة

يلا نبتدي جاهزة
طيب

أولا : عرفتي المنتدي ازاي
ثانيا : عدد اولادك وسنهم وكمان اسمهم يلا مش هذعلك
ههههههههههه
استني لسه
ثالثا : ايه اكتر حاجه بتحبيها في المنتدي
رابعا : لونك المفضل
خامسا : صحتك عامله ايه دلوقتي وياتري خفيتي
سادسا : ايه اكتر حاجه بتحبيها في المنتدي

كفايه كده دلوقتي بس هرجعلك تاني ياقمر
ايوه مأنا مش هسيبك
هههههههههههههههههههه ده انتي حبيبتي

حبيبة قلبي مدام ماري تعالي بقا 797785

من طرف **مدام مارى** الجمعة ديسمبر 18, 2009 2:48 pm

اولا مرسى كتير على السندوتش والبيبسى
بس كنت عايزه اعرف السندوتش نوعه ايه؟.....اكيد فول طبعا ماحنا صايمين
كنتى اعزمينى فى العيد علشان اللحمه والذى منه على العموم كل اللى يجى منك هيكون زى العسل

نبتدى بقى
أولا : عرفتي المنتدي ازاي
بصى يا ستى انا اول مادخلت النت جديد وكنت لسه بتعلم
شفت المنتدى بالصدفه وقلت اجرب اشترك وكنت سعيده جدا لما جانى الرد بتفعيل العضويه
وهنا اتعلمت كل حاجه .يعنى منتدى الطريق كان اول منتدى اشترك فيه.
ثانيا : عدد اولادك وسنهم وكمان اسمهم يلا مش هذعلك
بصى يا ستى معايا ثلاث اولاد
الكبير كيرلس 12 سنه وسميته كيرلس لانى بموت فى البابا كيرلس مش انا بس لكن جوزى كمان وهو شفيعنا وديما معانا
وعمل معجزه كمان مع كيرلس ابنى
من غير ما اخش فى تفاصيل كان كيرلس وهو عمره 9 شهور عنده فتق فى السره
وكان بيصرخ ليل نهار منه كانت صرته منفوخه زى كره صغيره ومش نافع علاج ولا حزام طبى
وكان عندى زيت من الطاحونه بتاعه البابا كيرلس
شيلت الحزام ورميته لانه كان يسبب الم شديد للولد ودهنت مكان السره وحطيت كمان بعض من الزيت فى فمه وقلت للبابا كيرلس دا ابنك انت اتصرف
فى الحال الولد بطل يصرخ ونام طول الليل وفى الصبح بصيت على السره كانها مكنش فيها حاجه من الاصل ورجع طبيعى واحسن من الاول بركته وشافعته تكون معانا كلنا امين
معلش طولت عليكى بس دا فضل البابا كيرلس عليا مقدرش انكره او اخبيه
التانيه اسمها ارينى 8 سنين
والثالثه مريم 5 سنين وهى اشقى واحده عندى

ثالثا : ايه اكتر حاجه بتحبيها في المنتدي
اكتر حاجه بحبها فى المنتدى بجد بجد الاعضاء اللى فيه بحبهم كلهم

رابعا : لونك المفضل
هتستغربى لما اقولك انا بحب الاسود جداا
يكون جميل قوى فى فستان سهره
او لما بدخله مع لون تانى بيكون روعه زى الاسود مع الاحمر او مع اى لون تانى وكمان فيه وقار وهيبه

خامسا : صحتك عامله ايه دلوقتي وياتري خفيتي

صحتى يا ستى اشكر ربنا على كل حال لكن ساعات بكون كويسه وساعات بكون تعبانه
يعنى لما بعمل مجهود وانا متابعه دلوقتى مع دكتور واملى فى ربنا كبير
وانا راضيه بكل اللى يعوزه ربنا

سادسا : ايه اكتر حاجه بتحبيها في المنتدي
اكتر حاجه بحبها فى المنتدى الرسايل بتاعته
يعنى لما بعمل موضوع او اشارك فى موضوع بيوصلنى رسايل على الاميل بتاعى يخلينى اتابع بسهوله
المواضيع المهمه بالنسبه لى وتقريبا دا المنتدى الوحيد اللى بيعمل كدا
ودى ميزه كويسه جداا فى المنتدى
مرسى كتير ليكى يا بوسى
اتمنى ماكنشى صدعتكم وبجد بجد انا كمان بحبك مووووت
ربنا يكون معاكى

من طرف **bosyabdo** السبت ديسمبر 19, 2009 6:14 am

ماشي يا قمر انا دلوقتي معنديش اساله تاني بس متخافيش هرجعلك يعني هرجعلك
هههههههههههههههههههههه
ربنا معاكي بقا طبعا انتي عطشانة دلوقتي خدي اشربي عصير البرتقال ده
وعلي العيد هبقي اعزمك علي سندوتش قفته ههههههههههههه
استنيني

من طرف **bosyabdo** السبت ديسمبر 19, 2009 6:41 am

انا جيت اتاخرت
ههههههههههههههه
كالتي وانبسطي تعالي بقا

اولا: الهوايا المفضله :

ثانيا: مين مدام ماري في 10 سطور لوسمحتي متكليش منهم ههههههههههه

ثالثا: اية اجمل يوم في عمرك

رابعا: اية الامنيه اللي نفسك تحققيها

خامسا: مين هو مثلك الاعلي

سادسا: ايه اجمل ايه عجبتك

سابعا: من هو مطربك المفضل

ثامنا : يا تري دراستك كانت ايه

تاسعا : ايه اكتر ترنيمه بتحبيها

عاشرا : ايه اكتر حاجه بتخوفك

الحادي عشر :ايه اكتر موقف محرج حصل معاكي

كفايه كده لحسن تقولي اني بطول عليكي اظن اسالتي قليله اوي
ههههههههههههههههههههه حبيبة قلبي مدام ماري تعالي بقا 14971

خدي الهديه ديه حبيبة قلبي مدام ماري تعالي بقا 382799

من طرف ذيكو البرنس الإثنين ديسمبر 21, 2009 10:04 am

هي سماح دبستك في الكرسي
هي سألت الأسئله اللي كنت هسألها بس في شويه كده
يلا نبتدي

السؤال الأول : أيه أكتر حاجه بيخوفك ؟ حبيبة قلبي مدام ماري تعالي بقا 974927

السؤال الثاني : الأكله المفضله ليكي ؟ حبيبة قلبي مدام ماري تعالي بقا 428479

السؤال الثالث : المشروب المفضل ليكي ؟ حبيبة قلبي مدام ماري تعالي بقا 357561

السؤال الرابع : الحلويات المفضله ليكي ؟ حبيبة قلبي مدام ماري تعالي بقا 789880

السؤال الخامس : فيلمك المفضل ؟

السؤال السادس : مسلسلك المفضل ؟

السؤال السابع : القناه المفضله ليكي ؟

السؤال الثامن : البرنامج المفضل ليكي ؟

السؤال التاسع : حيوانك المفضل ؟ حبيبة قلبي مدام ماري تعالي بقا 420264

السؤال العاشر : ايه اكتر مكان بتحبي تروحيه ؟ حبيبة قلبي مدام ماري تعالي بقا Icon_bounce

السؤال الحادي عشر : قصة حياتك من اول ميلادك حتي الأن وبصراحه ومش سطر واحد ؟ حبيبة قلبي مدام ماري تعالي بقا 543369

السؤال الثاني عشر : اكتر عضو مضايقك في المنتدي وبصراحه ؟ حبيبة قلبي مدام ماري تعالي بقا 830649

السؤال الثالث عشر : اقرب الأعضاء اليكي ؟ حبيبة قلبي مدام ماري تعالي بقا 797785

السؤال الرابع عشر : ايه اكتر حاجه بتفرحك اوي ؟ حبيبة قلبي مدام ماري تعالي بقا 56631

انا خلصت كده مش لاقي حاجه تاني
كفايه عليكي كده دلوقتي بس هرجعلك تاني
فاصل ونواصل

من طرف **admin** الإثنين ديسمبر 21, 2009 10:07 am

انا جي بكرة باسالة

من طرف **مدام مارى** الجمعة ديسمبر 25, 2009 3:26 pm

[quote="bosyabdo"]انا جيت اتاخرت
ههههههههههههههه
كالتي وانبسطي تعالي بقا

معلش انا كمان اتاخرت عليكى اسفه حبيبه قلبى
مرسى يا ستى على السندوتش وعصير البرتقال
نبتدى بقى...... يالله

اولا: الهوايا المفضله :
انا بحب الرسم جدااا والقراءه

ثانيا: مين مدام ماري في 10 سطور لوسمحتي متكليش منهم ههههههههههه
ياااه عشر سطور بحالهم
بصى يا ستى
انا اسمى الحقيقى ميرفت
عندى 31 سنه
تعليم متوسط
زوجه وام لثلاثه اطفال
ماديا مستوره والحمدلله
عندى ثلاث اهداف فى حياتى
الهدف الاول انى اقرب من ربنا اكتر وبحاول بكل جهدى
الهدف التانى اربى اولادى تربيه مسيحيه سليمه
الهدف التالت اعلمهم تعليم عالى واقدمهم للمجتمع فى اجمل صوره
واخيره احلى ميزه فيا انى بنت المسيح ومفديه بدمه الكريم

ثالثا: اية اجمل يوم في عمرك
اجمل يوم فى عمرى حصل من ايام
لما اتباركت برؤيه
العذراء ام النور سلام الرب عليها

رابعا: اية الامنيه اللي نفسك تحققيها
كل امنياتى محصوره فى اولادى زى ما قلتلك
اربيهم كويس واعلمهم كويس

خامسا: مين هو مثلك الاعلي
مثلى الاعلى هو بابا
ربنا يديه الصحه وطوله العمر

سادسا: ايه اجمل ايه عجبتك
سؤال صعب جدا علشان كل الكتاب المقدس جميل
لكن انا هقولك ايه من مزمور23
الرب راعي فلا يعوزني شيء . في مراع خضر يربضني . الى مياه الراحة يوردني يرد نفسي . يهديني الى سبل البر من اجل اسمه "

سابعا: من هو مطربك المفضل

زمان كنت بحب اسمع ام كلثوم وورده ونجاه والناس دى
لكن دلوقتى بجد انا مش بحب اسمع غير ترانيم وخصوصا ماهر فايز
ثامنا : يا تري دراستك كانت ايه
دراستى زى ما قلتلك انا اخدت ثانويه عامه
لكن للاسف مجموع قليل ومكملتش

تاسعا : ايه اكتر ترنيمه بتحبيها
ترنيمه اخطات اليك لماهر فايز
ممكن تسماعيها على الرابط دا
http://tranem.linga.org/maher-fayez/ln-anhini/album-49.html
عاشرا : ايه اكتر حاجه بتخوفك

بصى بجد مافيش حاجه بتخوفنى ابدا احنا ولاد ربنا
ايه ممكن يخوفنا فقر ولا مرض ولا حتى الشياطين

الحادي عشر :ايه اكتر موقف محرج حصل معاكي
اكتر موقف محرج يوم زفافى حصل واحنا داخلين الكنيسه
سوسته الفستان انفتحت
ولولا اخوات جوزى وقفوا وريا وحاولو يصلحوها والحمدلله عدت على خير

كفايه كده لحسن تقولي اني بطول عليكي اظن اسالتي قليله اوي
ههههههههههههههههههههه حبيبة قلبي مدام ماري تعالي بقا 14971

كل دااااااا قليل وحياتك يا بوسى هقعدك على الكرسى ولازم تعترفى بكل حاجه
وهاخد حقى منك

مرسى ليكى يا قمر وربنا يبارك حياتك

من طرف **مدام مارى** الجمعة ديسمبر 25, 2009 3:33 pm

هرد عليك بكره بقى يا زيكو معلش

سلام مؤقت

من طرف **مدام مارى** الجمعة ديسمبر 25, 2009 3:37 pm

مااااشى يا اندرو

انا فى انتظار الاسئله

من طرف **bosyabdo** السبت ديسمبر 26, 2009 10:09 am

ايه ده احنا فينا من كده ولا ايه حبيبة قلبي مدام ماري تعالي بقا 78221

لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا حبيبة قلبي مدام ماري تعالي بقا 629938

هو عشان عملت فيكي كده هتردهالي ولا ايه حبيبة قلبي مدام ماري تعالي بقا 142302

لا انتي الكبيره برده صح حبيبة قلبي مدام ماري تعالي بقا 382799

بس بردو استنيني عشان هجبلك اسأله تاني وأرجع حبيبة قلبي مدام ماري تعالي بقا 487758

من طرف **مدام مارى** السبت ديسمبر 26, 2009 4:16 pm

ههههههههههههههههههه
معقووووووله لسه عندك اسئله تاااااااانى
ماشى يا ستى بس استنى لما ارد على زيكو الاول

حبيبة قلبي مدام ماري تعالي بقا 512661230

من طرف **مدام مارى** السبت ديسمبر 26, 2009 4:52 pm

ازيك يا زيكو اخبارك ايه
شفت بقى سماح دبستنى ازاااااى
يالله مش مشكله علشان خاطرك انت بس
ارد بقى على الاسئله بتاعتك

السؤال الأول : أيه أكتر حاجه بيخوفك ؟ حبيبة قلبي مدام ماري تعالي بقا 974927

زى ما قلت لسماح احنا ولاد ربنا مش لازم اى حاجه تخوفنا
السؤال الثاني : الأكله المفضله ليكي ؟ حبيبة قلبي مدام ماري تعالي بقا 428479

بحب جدااا المكرونه بالبشاميل
السؤال الثالث : المشروب المفضل ليكي ؟ حبيبة قلبي مدام ماري تعالي بقا 357561

الشاى والنسكافيه

السؤال الرابع : الحلويات المفضله ليكي ؟ حبيبة قلبي مدام ماري تعالي بقا 789880

بمووووت فى الجاتوه والتارت مش لازم يكون فيه مناسبه علشان اجيببهم

السؤال الخامس : فيلمك المفضل ؟

فيلم ابونا يسطس الانطوانى وكمان فيلم الام ايرينى الجديد
السؤال السادس : مسلسلك المفضل ؟

بجد صدقونى مش متابعه التلفزيون قوى علشان بيتفتح على المحطات الكارتون او اغابى او سى تى فى
السؤال السابع : القناه المفضله ليكي ؟

سى تى فى واغابى طبعا

السؤال الثامن : البرنامج المفضل ليكي ؟

كل البرامج رائعه وخصوصا بيت على الصخر
السؤال التاسع : حيوانك المفضل ؟ حبيبة قلبي مدام ماري تعالي بقا 420264

بصراحه مش بحب الحيوانات قوى
ممكن اتفرج من بعيد لكن اربى فى البيت لاء
السؤال العاشر : ايه اكتر مكان بتحبي تروحيه ؟ حبيبة قلبي مدام ماري تعالي بقا Icon_bounce

بيت ربنا طبعا بحس فيه براحه وسلام
ولما نخرج للنزهه اى حديقه بتكون جميله
السؤال الحادي عشر : قصة حياتك من اول ميلادك حتي الأن وبصراحه ومش سطر واحد ؟ حبيبة قلبي مدام ماري تعالي بقا 543369

يا خبر ابيض انا حياتى بجد عاديه خالص
مفيهاش حاجه ممكن احكيها

السؤال الثاني عشر : اكتر عضو مضايقك في المنتدي وبصراحه ؟ حبيبة قلبي مدام ماري تعالي بقا 830649

كان واحد من اخوتنا المسلمين كان بيتكلم باسلوب غير لائق

ربنا يهديه

السؤال الثالث عشر : اقرب الأعضاء اليكي ؟ حبيبة قلبي مدام ماري تعالي بقا 797785

بجد بجد بحبكم كلكم

السؤال الرابع عشر : ايه اكتر حاجه بتفرحك اوي ؟ حبيبة قلبي مدام ماري تعالي بقا 56631

لما احس ان علاقتى بربنا كويسه وانه راضى عنى

حبيبة قلبي مدام ماري تعالي بقا Hgjjghjghj

من طرف abeer الأحد ديسمبر 27, 2009 7:28 am

يسلملي الاسلوب اللبق في الاجوبة

من طرف **مدام مارى** الأحد ديسمبر 27, 2009 2:25 pm

مرسى ليكى يا عبير ربنا يخاليكى

حبيبة قلبي مدام ماري تعالي بقا 94405532du5h

من طرف **bosyabdo** الإثنين ديسمبر 28, 2009 12:03 pm

أمممممممممممممممممممممممممم
أنا جيت معلش أتاخرت عليكي عشان كان عندي أبحاث عشان أعمال السنة

بس أديني جيت تاني اكيد طبعا أسألتي واحشتك أنا عارفة وديه عايزه سؤال
هههههههههههههههههه

بس أنا معنديش أسأله كتير
بس يلا نبتدي

أولا : ما الذي عجبك بالمنتدي ؟

ثانيا : ما الذي لم يعجبك في المنتدي؟

ثالثا : محل الاقامة؟

رابعا : تاريخ الميلاد؟

خامسا : البرج؟

سادسا : الصفات ديه تقوليها لمين ؟؟؟

الحب
الجمال
الوفاء
الامل
السعادة
الاحلام
الغيرة
الامانة
الحنان
الطيبة

سابعا : مين هو مثلك الاعلي؟

ثامنا : قرات الكتاب المقدس كام مرة؟

كفايه كده بقا دلوقتي عشان متقوليش أني بطول عشان أنا أسألتي قليله حبيبة قلبي مدام ماري تعالي بقا 487758

انا معنديش اساله بس ربنا معاكى يا مدام مارى وتفلتى من رزالت سماح

من طرف **مدام مارى** الخميس ديسمبر 31, 2009 5:37 pm

أنا جيت معلش أتاخرت عليكي عشان كان عندي أبحاث عشان أعمال السنة

لا يا قمر ولا يهمك انا كمان اتاخرت عليكى فى الرد معلش بقى سامحينى
بس أديني جيت تاني اكيد طبعا أسألتي واحشتك أنا عارفة وديه عايزه سؤال
هههههههههههههههههه
وحشاااااانى موووووووت

بس أنا معنديش أسأله كتير
بس يلا نبتدي

يلا يا ستى ربنا يستر
أولا : ما الذي عجبك بالمنتدي ؟
هو غالى عليا قوى علشان دا اول منتدى اشترك فيه
وزى ما قلتلك قبل كدا الرسايل اللى بتوصلنى منه على الايميل بتجعلنى اتابع بسهوله
ثانيا : ما الذي لم يعجبك في المنتدي؟
واحده هنا اسمها سماح
بس بمووووت فيها

ثالثا : محل الاقامة؟
هبقى اقولك بينى وبينك على الخاص

رابعا : تاريخ الميلاد؟

2-9-1978

خامسا : البرج؟

العذراء
سادسا : الصفات ديه تقوليها لمين ؟؟؟

الحب - مافيش اعظم من حب ربنا لينا
الجمال-الطبع والخلق
الوفاء-احبها قوى فى الصداقه
الامل - الحياه
السعاده-الرضاء بكل اللى ينعم علينا بيه ربنا
الاحلام - مهمه لحيتنا
الغيرة -محبهاش الثقه افضل منها
الامانه - اهم صفه للمسيحى بعد المحبه
الحنان -مافيش اعظم من حنان الام على اولادها
الطيبه - نادره جداا الايام دى وساعات بتكون صفه للضعفاء

سابعا : مين هو مثلك الاعلي؟

بــــابــــــا حبيبى

ثامنا : قرات الكتاب المقدس كام مرة؟

كله على بعضه مش عارفه لكن العهد الجديد اكتر
كفايه كده بقا دلوقتي عشان متقوليش أني بطول عشان أنا أسألتي قليله
قليله حبيبة قلبي مدام ماري تعالي بقا 743543

مااااااااشى يا ستى

كل سنه وانتى طيبه يا قمر والسنه اللى جايه تحققى كل اللى تتمنيه

من طرف **مدام مارى** الخميس ديسمبر 31, 2009 5:47 pm

لاء يا زيكو معندكش حق دى سماح زى العسل

دى حبيبه قلبى ربنا يخاليكو ليا

وكل سنه وانت وسماح طيبين وتحققوا كل اللى تتمنوه

من طرف ذيكو البرنس الجمعة يناير 01, 2010 2:24 pm

وانتى طيبه يا اطيب عضو فى المنتدى ما انا كونت بهظر سماح دى نكته حبيبة قلبي مدام ماري تعالي بقا 14971

السلام عليكم
شو هاد الكرسي؟؟؟
كله احراجات شو هاد التحقيق الي عاملينو؟؟
هم كدا بحققو معاكم في الكنيسة؟؟
ولشو اب الاعتراف ؟؟
وانتم بتعترفولوا لانكم بتفكروه انه يدخلكم الجنة..ههههههههههههههههه
بصراحة انتم عجيبين..

من طرف **مدام مارى** الخميس يناير 28, 2010 5:55 am

بص يا ابن الاسلام دى لعبه يعنى لما حد يحب يتعرف على عضو ويعرف شخصيته
يبدأ يسأله بعض الاسئله من خلال الاسئله دى يقدر يتعرف عليه
وبعدين بتقول انه كله احراجات مافيش احراج ولا حاجه
العضو اللى مش حابب يجاوب على سؤال معين ممكن ببساطه انه يمتنع
وبعدين دخلت اعترافات الكنيسه فى الموضوع
اولا احنا فى الكنيسه بنتكلم مع الاب الكاهن بدون ان يوجه اى اساله للمعترف
يعنى المعترف بيتكلم بحريه كامله وفى الاخر ممكن الاب الكاهن بحسب خبرته يوجه المعترف
للطريق السليم عن طريق بعض الارشادات
والإعتراف معناه أن يدين الإنسان نفسه وأن يكشف نفسه ويتهم نفسه أمام وكيل الله(الاب الكاهن). والإعتراف أمام إنسان فيه خجل وإذلال للنفس وهذا يساعد الإنسان على ترك الخطية في المستقبل، لأن الإنسان لا يخجل من الله بدليل أنه إرتكب الخطية أمام الله ولم يخجل. وخيرٌ للإنسان أن يخجل أمام إنسان
واحد من أن يخجل أمام الملائكة وكل البشر في اليوم الأخير
الكاهن يصف العلاج سواء بالنصح والإرشاد أو بإعطاء التحليل من خطاياه فيخرج المعترف بنفس مستريحة من الخطايا التي غفرت. والله أعطى هذا السلطان فى قوله. "من غفرتم له خطاياه غفرت ومن أمسكتموها عليه أمسكت" (يو21:20-23) ولاحظ أن هذه السلطان للكهنة فقط. أما لبقية الناس فيقال: "إن لم تغفروا للناس زلاتهم، لا يغفر لكم أبوكم أيضاً زلاتكم" (مت15:6)
ومرسى جدا ليك على مرورك وعلى مشاركتك

من طرف **tyota** الخميس يناير 28, 2010 11:10 am

هاى مدام مارى انا فرحت قوى لما شفتك على كرسى الاعتراف علشان اتعرف بقى
ههههههههههههههههههههه
انا مش هطول عليكى ياقمر ويارب متزهقيش منى
اول سؤال
ازيك عامله ايه؟
عندك كام سنه؟
مين اقرب شخصيه ليكى فى المنتدى؟
مين اتصحبتى عليه فى المنتدى ؟
كلتى ايه النهارده ولازم تقولى ههههه؟

اكتبى سطرعن كل واحد فى اولادك تعرفينا بيه؟

مين ممكن تلقبيه بالخادم الامينفى المنتدى؟
لو ليكى اختبار روحى ياريت تحكيلنا عنه خلاكى تقربى من ربنا اكتر واكتر؟
هيبقى شعورك ايه لو منتدى الطريق الى الخلاص اتقفل؟
مشتركه فى منتديات تانيه ولو مشتركه قولى اساميها؟
انا عارفه ان انا مطولتش عليكى خالص هههههه
استنينى هرجعلك وهكمل بس جاوبى على دول الاول

من طرف **مدام مارى** الجمعة يناير 29, 2010 4:13 pm

ازيك يا تيوتا وحشاااااانى قوى يا جميل

انا عمرى ما ازهق منك ابداااا يا قمر

اول سؤال

ازيك عامله ايه؟
الحمدلله يا جميل اشكر ربنا على كل شىء

عندك كام سنه؟
مع ان الستات كلها مش بتحب السؤال دا لكن انا عندى 31 سنه

مين اقرب شخصيه ليكى فى المنتدى؟
كتير المنتدى مليان اعضاء كلهم زى العسل

مين اتصحبتى عليه فى المنتدى ؟
اتصحبت على كات وسماح وزيكو
كلتى ايه النهارده ولازم تقولى ههههه؟
ماشى يا ستى النهارده الجمعه واحنا صايمين علشان كدا كنت عامله كشرى انما ايه احسن من المطاعم

اكتبى سطرعن كل واحد فى اولادك تعرفينا بيه؟
بصى يا ستى الكبير اسمه كيرلس بنقوله يا كوكو
فى الصف السادس ولسه مخلصين امتحانات امبارح
بس هو شقى جداااا طول ما هو قاعد يشاكل اخواته البنات

والتانيه ايرينى
عاقله جدا عكس كيرلس واخده الحياه جد جداااا مع انها لسه فى اولى ابتدائى

والتالته مريم
اخر العنقود دلع بقى وشقيه قوى لسه مدخلتش المدرسه

مين ممكن تلقبيه بالخادم الامينفى المنتدى؟
الخادم الامين هو اللى يهتم بالمنتدى وصدقينى انا الفتره اللى فاتت غبت عن المنتدى فتره طويله
علشان مذكره كوكو وبجد مش عارفه مين بس اكيد اندرو هو اكتر واحد متحمل مسؤليه المنتدى
رغم انه مشغول جدااا فى دراسته ربنا يكون معاه ويوفقه

لو ليكى اختبار روحى ياريت تحكيلنا عنه خلاكى تقربى من ربنا اكتر واكتر؟
اختباراتى مع ربنا كتير انا حاسه انه بيكلمنى باستمرار
فى كل موقف بيمر عليا دايما بلاقيه بيكلمنى ويرد عليا انا بحبه قوى مع انى مستهلش اكون بنته
هحكيلك على موقف منهم مره كنت مزعله ربنا فى خطيه معينه وكنت مش قادره اقف قدامه واصلى
كل اللى جاى عليا لما اكون لوحدى افضل ابكى
وبعد ما قضيت ليله فى بكاء حار نمت ولما صحيت الصبح قتحت الكمبيوتر اشوف الرسايل
لقيت رساله جاتنى من مجهول
هكتبلك جزء منها علشان مطولشى عليكى
ابنتى
لا تخافى ان تقتربى الى... انتى ابنتى انت اناء مختار لى .... انا اعلم ضعفك وقد تكونى اهملتى وانجذبتى وانخدعتى ولكنى اراقب جهادك وافرح به....واجمع دموعك فى زق عندى ... فلا ينكسر قلبك لئلا تبتلع من الحزن فلن يسر قلبى حين اراك هكذا تسقطين فى اليأس هاربا منى..... واعلمى ان سقوطك فى الياس اشد ايلاما لقلبى من سقوطك فى الخطيه .ايهما ايسر الى قلب الاب ان يخطىء ابنه فى حقه ثم يعود اليه ام يترك بيت ابيه هاربا من وحهه.
دا جزء من الرساله بس انا حسيت ان ربنا كلمنى من خلال الرساله دى ودا لمس قلبى قوى وفرحنى جدااا وكمان غيرنى

هيبقى شعورك ايه لو منتدى الطريق الى الخلاص اتقفل؟
يا خبر متقوليش كدا صدقينى المنتدى بالنسبه ليه بيتى الثانى
ربنا يحافظ عليه ويباركه ويبارك كل الاعضاء الموجودين فيه

مشتركه فى منتديات تانيه ولو مشتركه قولى اساميها؟
انا مشتركه فى سنكسار وفى منتديات يسوعنا
وهى منتديات رائعه بس الصراحه انا بستفاد اكتر ما بفيد فيه
يعنى عضوه عاديه

مرسى ليكى يا قمر على مشاركتك فى الموضوع وانا سعيده جدا بكلامى معاكى

من طرف **tyota** السبت يناير 30, 2010 9:48 am

انا اللى اسعد بجد استمتعت باجباتك عليا واذكرينى كتير فى صلواتك

من طرف رأفت الخياط الإثنين فبراير 08, 2010 9:14 am

انتى لطيفة يا مدام مارى الرب يسعدك و يعطيكى الصحة

حبيبة قلبي مدام ماري تعالي بقا

حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا

رد: حبيبة قلبي مدام ماري تعالي بقا