جبار البأس

مهما ضعفى امتلكنى و اتسرب فيا اليأس


انت فى عينيك شايفنى ابنك جبار البأس


و فاتح ليا حضنك و شايل منى الخوف


و بكلمة وعد منك بهزم ربوات و الوف


اسندنى فى ضعفى و اسمع لصلاتى اللهم ارحمنى انا الخاطى


و مهما بعدنا عنك تفضل معانا تحاول


بتخلق فينا بولس و يموت جوانا شاول


منا زى السامرية وجايلك و الضعف مالينى


عطشان و عايز اشرب و ماليش غيرك يروينى


اسندنى فى ضعفى و اسمع لصلاتى اللهم ارحمنى انا الخاطى

رغم الخطية هرجع بدموعى اترجاك


مستنى منك اسمع مغفورة ليك خطاياك


منا ابنك صنع اديك و كلامك ليا ميراث


تفضل عنيا عليك و اديا على المحراث


اسندنى فى ضعفى و اسمع لصلاتى اللهم ارحمنى انا الخاطى