اكلات صيامى متنوعة

من طرف **nancy cat** الثلاثاء يونيو 23, 2009 10:40 am

كفتة البطاطس
اكلات صيامى متنوعة Food020

المكونات:

بطاطس مسلوقة ومقشرة
بقسماط
دقيق
ملح

مكونات الحشو:

صنوبر ( يمكن الاستغناء عنة بأي نوع مكسرات او سوداني )
زيت زيتون
بصل
زبيب
بقدونس مفروم
شبت مفروم

الطريقة:

يهرس البطاطس جيداً، ثم يضاف إليه القليل من الملح والدقيق، ويخلط.
يحمص الصنوبر او المكسرات بقليل من زيت الزيتون، ويضاف البصل ويقلب.
يضاف الزبيب والقليل من البقدونس والشبت، ويقلب.
يحشى البطاطس بحشو الصنوبر او المكسرات والزبيب، ثم يشكل على شكل أقراص دائرية مفلطحة، وتقلى بالزيت.
يمكن ان تقدم مع خضار سوتيه او مكرونة او ارز .

شوربة الأرز والفطر
اكلات صيامى متنوعة B0612905753

المقادير:

1 كوب أرز.

٢ ملعقة كبيرة زيت أو زبدة

٢ فص كبير ثوم، مهروس

٢ عود بصل أخضر، شرائح

12 قطعة عيش الغراب ( ماشروم )

4 كوب مرق خضروات

¼ ملعقة صغيرة فلفل أسود

١ ملعقة صغيرة ملح

٢ ملعقة كبيرة بقدونس ، مفروم

الطريقة:

يتم غسل الأرز جيدا، ثم ينقع في ماء مملح من ٢۰-٢٥ دقيقة

2- يسخن الزيت في وعاء متوسط، ثم يضاف الثوم والبصل، يوضع على نار متوسطة الى ان يصبح ذهبي اللون.

3- يضاف عيش الغراب ، ثم يقلب لمدة دقيقة.

4- يضاف الأرز، المرق، الفلفل، الملح، و يترك الخليط يغلي.

5- خففي النار، اتركي القدر على النار بدون تغطية ١۰-١٥ دقيقة الى أن ينضج الأرز.

6- يوزع البقدونس على الشوربة وتقدم ساخنة

البصـــــــــــــــــــــــارة

المقادير

2 كوب فول مدشوش (جاف بدون قشر)
6 كوب ماء
1 بصل متوسط مقطع
½ كوب كرفس مقطع
2 فص ثوم
1 ملعقة كبيرة كزبرة خضراء مفرومة
1 ملعقة كبيرة بقدونس مفروم
1 ملعقة صغيرة نعناع جاف أو ¼ كوب نعناع طازج
ملح وفلفل
1 ملعقة كبيرة زيت نباتي
½ كوب بصل مقطع كعيدان الكبريت (جوانح)

الطريقة

- يُغسل الفول (يمكن نقعه لمدة 8 ساعات أو يمكن غليه في ماء لمدة 7 دقائق ثم يشطف بماء بارد).
- يُضاف الماء إلى الفول وباقي المحتويات ما عدا ملعقة كبيرة من الزيت والبصل.
- يُترك الخليط على نار هادئة لمدة ساعتين تقريباً بدون تقليب، ويُمكن إضافة مزيد من السائل إذا احتاج الأمر.
- يُرفع الزَّبد (الريم) الظاهر على السطح كلما تطلب ذلك.
- عندما تنضج جميع المحتويات تصفى (تهرس) بمصفاة يدوية أو عن طريق خلاط كهربائي. ثم تعاد إلى نار متوسطة مرة أخرى مع التقليب هذه المرة حتى يغلظ قوام الخليط.
- تُقدم البصارة دافئة أو باردة بعد صبها في أطباق.
- للتزين يسخن الزيت ويحمر البصل حتى يصبح لونه بنياً ويوضع على ورقة أو قطعة قماش للتخلص من الزيت الزائد. ويمكن أن تزيين بقطع من قشر الليمون

- يشتهر هذا الطبق في شمال إفريقيا ويصنع من الفول الجاف بدون قشر أو من البسلة الجافة، ويقدم بارداً أو دافئاً مع زيت زيتون والليمون.

[b]كبــــاب حلة صيامى
المقادير

1 - نص كيلو ماشروم مقطع قطع صغيره
2 ربع كيلوفلفل( اخضر واصفر واحمر كل الالوان اللي تلاقوها الفلفل بيدي طعم حلو وشكل كويس)
3- شوية ملح
4- فلفل اسود
5- بهارات ( بتخليها طعمها يهوس )
6- بصله متوسطه الحجم وتكون متقطعه كويس
7- زيت
8- ميه حسب الحاجه يفضل كوب ونصف

طريقة العمل

طبعا نغلي الزيت ونشوح فيه البصله لغاية لما لونها يبقى دهبي نحط الماشروم المقطع ونقلبه شويتين ونحط ملح
وبعدين نحط الفلفل المتقطع حلقات ونحط شوية ملح مع الفلفل الاسود والبهارات

وبعدين نقلبهم شويه لغاية لما الفلفل يدبل وبعدين نزود الميه ونسيبه شويه لغاية لما يستوي

مكرونة بالخضار

المقادير:

- مكرونة اى نوع
- 2 بصلة كبيرة
- 2 ثمرة فلفل رومى
- نصف كيلو طماطم
- ربع كيلو زيتون اسود
- ملح وفلفل
- 4 فصوص ثوم مفرى
- زيت

الطريقه :

- يقطع الزيتون حلقات والفلفل الرومة شرائح رفيعة
- تسلق المكرونة ثم تصفى وتشطف بالماء البارد
- يحمر الثوم فى الزيت حتى يصفر لونه ثم نضع الزيتون المقطع والفلفل الرومى ويشوح قليلا
ثم يضاف عصير الطماطم ويضاف اليها الملح والفلفل وتترك حتى تتسبك
- تضاف المكرونة وتقلب جيدا وتقدم ساخنة

[center]المقلوبة

المقادير:

- كيلو باذنجان رومى
- 4 خرشوفات كبيرة
- 2 كوب ارز
- ملح وفلفل
- زيت

الطريقة :

- يجهز الخرشوف وينظف وتقطع الثمرة 4 قطع وتسلق فى ماء به ملح وفلفل ويحتفظ بماء السلق.
- يقشر الباذنجان ويقطع ترنشات سميكة ويحمر فى الزيت نصف نحمير
- نحضر اناء تيفال ويرص الباذنجان كله ثم يرص الخرشوف ثم الارز المغسول
- يضاف ماء سلق الخرشوف ويكون الماء اعلى الارز بواحد سم تقريبا
- يرفع على النار حتى الغليان ثم تهدأ الحرارة مثل عمل الارز تماما حتى يتم النضج
- يوضع سرفيس كبير وتقلب فوقه الحلة وتقدم ساخنة .

[center]المسقعة

المقاديــــر

1- باذنجان وفلفل وبطاطس مقليين..

2- صلصه طماطم..

3- ثوم مدقوق...

4- بصله مبشوره..

5- كوب ماء بعصير طماطم..

6- التوابل( ملح فلفل كمون كزبره قرفه فلفل احمر حلو بهارات)

7- زيت .

الطريقــــه

حمرى البصل فى الزيت اللى ان يصفر لونه ضعى الثوم المدقوق

قلبى جيدا ضيفى الفلفل الاحمر الحلو والفل الاسود والكزبره

وقليل من القرفه

ثم ضيفى عصير الطماطم غطى القدر وهدئى النار واتركيها

لتتسبك جيدا الى ان يظهر الزيت على وش الصلصه ثم ضيفى

الباذنجان والفلفل والبطاطس وباقى التوابل البهارات والكمون

وزودى الماء بعصير الطماطم حسب الحاجه...

قدميها مع الارز او مع الخبز

شاورمة المشروم

فلفل رومى الوان شرايح – بصل – كرفس – مشروم طازج شرايح – 1 طماطم – 1 م خل – 1 م بهارات – زيت زيتون – خبز شامى

الطريقة:

نقشر الطماطم
نشوح فى الزيت البصل والفلفل رومى والمشروم وشوية زعتر وملح وفلفل
ونتركهم يتشوحوا دقيقتين تلاتة
نفتح الخبز الشامى نصفين ونضع في الشاورما ونلفه كويس
نضع شوية زيت صغيرين قوى فى مقلاية ونحمر الساندوتشات خفيف
وممكن ندخلها الفرن لو انتى عايزاه يتحمص من بره

سلطة الخس والجزر والزيتون

المقادير:
2 ك خس مقطع شرايح
ك جزر مبروش خشن
ك خيار مبروش خشن
1\\4 ك نعناع مفروم ناعم
1\\2 ك زيتون أسباني أسود شرائح

التتبيلة:
3 م ك زيت زيتون ، 4 م ك عصير ليمون ، م ك سماق ، ملح ، م م نعناع ناشف

الطريقة:
اخلطي المقادير ثم اخلطي مقادير التتبيلة ثم صبيها عليها

[size=16]الفول بالزيت و الكمون

يضاف للفول عصير ليمون و ملح و كمون و زيت(ذرة او زيتون زي ماتحبوا)

الفول بالدقة:
تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.

الفول بالسلطة:
تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.

الفول بالطماطم:
تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.

الفول بالباذنجان:
لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.

فول بالطحينة

فول مدمس
طماطماية
معلقة كبيرة بقدونس مغسول ومفروم
نص معلقة صغيرة ثوم مهروس
معلقة كبيرة طحينة
معلقة خل
معلقة عصير ليمون
معلقتين كبار زيت
ملح و كمون

الطريقة
سخنى الفول واهرسية بالشوكة وقطعى علية الطماطماية قطع صغيرة
ضعى فى طبق الطحينة والخل والزيت والثوم و البقدونس واخلطيهم كلهم مع بعض
وبعدين ضعيهم على الفول وتبلى بالملح والكمون

فول بالفلفل الاخضر
فول مدمس
نص معلقة صغيرة ثوم مهروس
واحدة فلفل رومى
كوب عصير طماطم
ملح وفلفل وكمون
2 معلقة زيت

الطريقة
ضعى الزيت او الزبدة على النار وحمرى فيه الثوم لحد ما يصفر
ضعى علية عصير الطماطم وخليها على النار لحد ما تتسبك
ثم ضعى الفول وشوية مياة صغيرين
قطعى الفلفل مكعبات صغيرة وضعية على الفول و تبلى بالملح والكمون
يغلو غلوة مع بعض واغرفية

من طرف **nancy cat** الثلاثاء يونيو 23, 2009 10:41 am

ده بقى العدس بطرق كتير ومختلفه

الكشري بالعدس الأصفر

المقادير :
فنجان أرز
2 فنجان عدس أصفر- 3 معالق كبيرة زيت
4 و نص فنجان ماء _ ملح _بصلة كبيرة

الطريقة :
يغسل الارز جيدا ويحمر الأرز في الزيت قليلا و بعدين تشيلية من الزيت في الزيت المتخلف من تحمير الأرز يحمر العدس قليلا بنفس الطريقة و بعدين تشيلية برضة من الزيت حطى الماء على الزيت اللى حمرنا فية و الملح ويترك حتى يغلي لمدة خمس دقائق اخلطى الأرز مع العدس ثم يضاف على الماء المغلي ويطهى على نار هادئة بنفس طريقة الارز العادية في معلقة ز يت كبيرةحمر ى البصلة لحد ما تحمر و بعد ما يكون العدس بالارز استوى حطى الزيت اللى حمرنا فية البصلة عليهم يغرف في طبق و يجمل الوجه بالبصل المحمر .

شوربة العدس

ربع كيلو عدس اصفر
ملح – فلفل – كمون – بصلة متوسطة مخرطة رفيع – طماطماية – بطاطساية صغيرة – جزرة صغيرة
شطة حسب الرغبة

الطريقة
نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاسطاية مقشرة و مقطعة نصين
ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية
بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد )
وانا بفضل المصفاة
ثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى
هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار

العدس الاصفر المغروف
بعد ما عملنا شوربة العدس عادى خالص وبنوصل للمرحلة اللى بنحط تقلية البصل فى العدس بنخفف الشوربة شوية وبنغسل حوالى نص كوباية ارز وبنضعها على العدس واهم حاجة تفضلى تقلبى علشان الارز مايلزقش لحد الارز مايستوى وتغرفية فى الاطباق زى الارز باللبن بالضبط وتضعى نص البصلة التانية على الوش
كشرى العدس الاصفر
كوب عدس اصفر
كوب ارز
زيت
ملح - كمون
الطريقة
اغسلى الرز لوحدة واغسلى العدس الاصفر لوحدة
ضعى فى حلة على النار حوالى 3 معالق زيت وحطى الارز فى الزيت
وقلبى قلبى لحد ما تحسى ان الارز اتبل كلة بالزيت وفرفر
ضعى العدس على الارز والملح والكمون واخلطيهم ببعض
وبعدين حطى عليهم ماء كأنك بتسوى الارز عادى خالص ولما يشرب الماء تروحى موطية النار
تسبية لحد لما يستوى وتغرفية وبيكون الكشرى مفرفر وبالهنا والشفا
بيتاكل معاة طرشى زى الليمون بيبقى جميل
ملحوظة بالنسبة للعدس الكشرى ممكن يتعمل مش مفرفر بيكون طرى (سوفت )فية ناس كتير بتحبة كدة
بعد ما يشرب الماء ونوطى النار اثناء ما هو بيستوى ترشرشى كل شوية بشوية ماءحتلاقية بيطرى ولما يستوى قبل ما تطفى النار على طول تروحى حطة علية معلقة زيت و تقلبيها وتطفى النار وتغرفية

طاجن عدس اسود (بجبة )

نص كيلو عدس اسود
كوب بصل
راس ثوم مهروس
كيلو طماطم
كوب فلفل اخضر مقطع صغير
ربع كوب خل
ملح – فلفل – شطة
زيت

الطريقة
انقعى العدس حوالى3 ساعات
اسلقى العدس فى ماء مغلى لحد ما يستوى نص سوا ثم صفية من الماء
نحمر البصل والثوم لحد ما يصفروا ثم نضع الخل
ثم الفلفل الاخضر وقلبيه 5 دقائق ثم نضيف الطماطم المقطعة قطع صغيرة
ونترك الخليط على النار لحد ما يتسبك نضع كوب ماء و الملح والفلفل والشطة
ونخليهم لحد مايغلوا ثم نضيف لهم العدس تقليبتين لحد ما يغلى
نضع المقدار كله فى طاجن وندخله الفرن حوالى ربع ساعة

سلطة عدس بجبة

2 كوب عدس اسود مسلوق
- 4 فصوص ثوم مهروسين
- 2 عصير ليمونة كبار
ملح - زيت زيتون
الطريقه
اسلقى العدس عادى وصفية من الماء بتاعه وبعدين قشرى الثوم واهرسيه مع الملح ثم ضعى عليه عصير الليمون وبعدين ضعى الثوم بالملح بعصير الليمون بعد ما تخلطيهم على العدس وتروحى خلطاهم كويس بالمعلقة مع معلقة زيت زيتون وتضعيهم فى الطبق و ترشى على الوش كمان معلقة زيت

على فكرة جربى حطى معاهم بصلة خضراء مفرومة بتدى طعم جميل وممكن رشة شطة صغيرة للى بيحب الشطة

صينية العدس بالصلصة

كوب عدس اسود
كوب عصير طماطم
كوب بصل
نص راس ثوم
زيت
ملح وفلفل وكمون
ربع كوب خل
نص حزمة بقدونس مخرط
الطريقة
اغسلى العدس من الصبح وانقعية لحد ميعاد الغداء .اسلقى العدس فى ماء مغلى نص سوى بس .نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع الخل وعصير الطماطم ونتركهم يتسبكوا )زى صلصة الكشرى ( نضع العدس والبقدونس على الصلصة ونخلطهم وبعدين نضعهم. فى طبق فرن ونتبلهم وشوية ماء وندخلهم الفرن لحد ما الصينية تستوى ويتاكل على طول وهو سخن

صينية العدس فى الفرن

كوب عدس اصفر
نص كوب بصل
5 فصوص ثوم مهروسين
نص كوب بقدونس
نص كيلو طماطم
فلفلة رومى كبيرة مقطعة مكعبات صغيرة
زيت
ملح وفلفل وكمون
كزبرة ناشفة
الطريقة
نعمل العدس شوربة عادية زى اللى كتبناها قبل كدة بس بعد ماتصفية متزوديش علية ماء سيبية تخين زى ماهو نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع عصير الطماطم ونتركهم يتسبكوا .نتبلها بالملح والفلفل والكمون والكزبرة وبعدين نضع الفلفل الاخضر والبقدونس ونقلب كله مع بعض ثم نضع العدس ونقلب كله مع بعض ونظبط الحدق. نصب الخليط فى طبق فرن وندخله فرن متوسط الحرارة

من طرف **nancy cat** الثلاثاء يونيو 23, 2009 10:42 am

محشى الكرنب

3بصلات كبار
حزمة شبت، و 2حزمة بقدونس
3معالق كبار و مليانين صلصة طماطم
كيلو رز
كرنبة متوسطة
ملح _ فلفل _ كمون - 3معالق زيت
الطريقة:
تغلي ماء على النار و تحطى فية شوية كمون وتطلعى ورق الكرنب من الكرنبة بانك تقطعية من عند الراس بالسكينة وتحطية فى الماء المغلى يا دوب ثوانى و تطلعية فى المصفاة. بعد كدة تقطعية حسب المقاس اللى انتى عايزاة
طريقة عمل الخلطة:
تفرمى البصلة بالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب .بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل والزيت والطماطم و اخيرا تجيبى الرز وتغسلية وتصفية كويس وتحطية على الخلطة و تخلطى كله كله كويس وتحشى ورق الكرنب ورقة ورقة ومش كتير علشان ما ينفش. ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش. اغلى ماء فى حلة (ممكن مكعب خضروات) و فيها معلقة زيت علشان المعلقة دى هى اللى بتدى صابع الكرنب لمعة من برة .ضعى شوربة المكعب على الكرنب بحيث يا دوب تكون عند الصف الاول وتحطية على النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية و ممكن عند التقديم تقلبى الحلة زى ما هيا فى سرفيس فحتلاقى شكل الطبق من فوق مرصص بحلقات الطماطم شكله حلو
ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعدت عنها دة معناه انها خلصت و هكذا

طريقة المحشى المتنوع(خفيف وينفع دايت)

كيلو بزنجان وفلفل رومى وكوسة
او كرنب او ورق عنب
2 كوب ارز
حزمة شبت
حزمة بقدونس
نص حزمة كسبرة خضراء
طماطم معصورة طازجة
طمطماية مخرطة صغير
ملح وفلفل
كمون فى محشى الكرنب
معلقة زيت زرة وممكن الاستغناء عنها
الطريقة
تقورى البزنجان والكوسة بالطريقة المعروفة .تشيلى الكاس الاخضر والبزور من الفلفل او تسلقى الكرنب وتقطعى الورق او تسلقى الورق العنب .تجهزى الحشو الارز على الشبت والبقدونس والكسبرة المغسولة والمخرطة على متوسط والملح والفلفل والطماطماية المخرطة وعصير الطماطم ومعلقة الزيت تخلطى كله وتحشى بية المحشى وترصصية فى الحلة وتسقية بالشوربة (طبعا ماء مغلى مضاف ليه مكعب خضروات) ويمكن الاستغناء عنه ونعمل بماء فقط

من طرف **nancy cat** الثلاثاء يونيو 23, 2009 10:43 am

شوربة الفول النابت

4 كوب فول نابت
2 معلقة زيت
ملح – فلفل
حبهان – مستكة
بصلة متوسطة
ليمون

الطريقة
انقعى الفول النابت كزا يوم لحد ما تلاقية نبت وبعدين قشرية
اسلقى الفول النابت وضعى البصلة لحد ما يقرب من السوى
اقدحى الزيت وضعى المستكة والحبهان لحد ما ريحتهم تطلع
روحى حطة عليهم الشوربة على طول غلوة مع الملح والفلفل
عند الغرف اعصرى عليها ليمون

الفول النابت بالطحينة

1/2 كيلو فول نابت - بصلة كبيرة
2 معلقة خل -ربع راس ثوم
ملح وكمون - بقدونس
ماء - طحينه

الطريقة
قشرى الفول النابت واغسلية
ضعي فى حلة الفول النابت فى ماء يكفى لتغطيته مع البصلة
المقطعة والثوم على النار لحد ما يستوى
صفية من ماء السلق واهرسية
نخفف الطحينة بالماء والخل والملح والثوم ونضعها
على الفول النابت المهروس
وندمجهم كويس ونزينهم بالبقدونس

من طرف **nancy cat** الثلاثاء يونيو 23, 2009 10:44 am

كفتة عدس بجبة
المقادير
ربع ك عدس بجبة
بصلة صغيرة
ملح وفلفل اسمر
كيس فيجتار (حار او عادى)
بهارت كباب وجوزة الطيب
فحمة واحدة الطريقة
]انقع العدس فى الماء لمدة 12 ساعة وانشلة من الماء واضعة فى الكبة مع البصلة والبهارات والملح والفلفل وجوزة الطيب
بعد زلك اخرجة من الكبة او الخلاط واضع عليه كيس الفيتجار وابشر عليه جوزة الطيب واصبعها واقليها فى الزيت
عندما يحمر اخرجها من على النار وارصها فى حلة او صينية واكون حطه الفحمة على النار وعندما تستوى الفحمة اضعها
على قشرة بصلة عليها نقطة زيت فى الصينية او الحلة التى بيها الكفتة واغطيها بسرعة حتى يتسرب دخان الفحمة الى الكفتة

الملوخية بالجمبرى
طريقة التحضير :
-------------
1- يتم تجهيز الجمبرى وتقشيره
2- والملوخية ايضا يتم خرطها كالمعتادفى الطبخ العادى
3- يتم فرم بصلتين ووضعهم مع الجمبرى حتى يتم تشويحهم عن طريق شرب ماء الجمبرى وذلك دون اضافة ماء
4- بعد ان تشرب البصل ماء الجمبرى يتم اضافة معلقة زيت من اى نوع مستحب حتى يتم تشويحهم
5- يتم اضافة كوب من الطماطم وذلك حتى يتم تسبيك الطماطم
6- نضع ماء حسب كمية الملوخية + بعد غليان الماء يتم وضع فصين من توم والفلفل الاخضر بعد دقهم
7- يتم بعد ذلك اضافة الملوخية الى الخليط
8- يتم طش الملوخية بالتوم كالطبيخ العادى

من طرف **nancy cat** الثلاثاء يونيو 23, 2009 10:52 am

باذنجان و فلفل مقلي بالخل و الثوم
المقادير:
نص كيلو بزنجان اسود مكبب – نص كيلو فلفل رومى – راس ثوم مهروسة – ربع كوب خل- 2قرن فلفل حامى -4طماطم مقطعة متوسط - ملح – فلفل – كمون زيت للقلى
الطريقة
قشرى البذنجان ثم قطعية شرايح متوسطه ثم نضعه فى مصفاه ونرش عليه ملح ويترك)علشان ما يشربش زيت كتير ( وبعدين نقلية فى الزيت لحد ما يبقى بنى فاتح .ونشيله فى المصفاة علشان ينزل كل الزيت الزيادةنقلي الفلفل الاخضر فى نفس الزيت مكان البزنجان لحد ما يتقلى ونشيله من الزيت ويوضع في مصفاه في مقلاية تانية نضع قليل جدا من الزيت اللى حمرنا فية البزنجان والفلفل ونحمر فيها الثوم لحد ما يصفر. وبعدين ضعي الفلفل الحامى المخرط صغير والخل ثم ضعى الطماطم عليهم والملح والفلفل و الكمون وقلبى وسيبيهم لحد ما الطماطم تدبل ضعى البزنجان والفلفل في طبق غويط على طبقات يعنى نحط بزنجان وبعدين فلفل وهكذا .ثم صبي عليهم خليط الثوم والطماطم ونغزيهم بالشوكة علشان الخليط ينزل جواهم والطبق يتشرب من الصلصةو يتاكل ساخن او بارد

من طرف **nancy cat** الثلاثاء يونيو 23, 2009 10:53 am

البيتزا الصيامي

اتفضلو

المقادير
نص كـــــــــــــــــــــــــــــــــــــــــــــــــ ـــيلو دقيق
ربع كـــــــــــــــــــــــــــــــــــــــــــــــــ ـوباية زيت
قطعة خمــــــــــــــــــــــــــــــــــــــيره قد الليمونه
كـــــــــــــــــــــــــــوباية ميه وعلى حسب العجينه

صلصة البيتزا
راس توم مهروس ثم يحمر في الزيت ويوضع عليه مقدار من الصلصه مع ربع كوباية ميه ويقلب 5 دقائق على نار عاديه
وتجمل عجينة البيتزا بعد فردها بالصلصه

ثم يوضع على وش فطيرة البيتزا
قطع زيتون
ومشروم ان وجد
وبصل ( حسب الرغبه )
وطماطم وفلفل اخضر بكثره
وتوضع في الفرن 180 درجه حتى تستوي بعد 20 دقيقه تقريبا وبالهنا والشفا

من طرف **nancy cat** الثلاثاء يونيو 23, 2009 10:54 am

مكرونة بشاميل صيامى
المقادير:
للحشو:
1-مجموعة من الخضروات المقطعة مكعبات صغيرة(مثل البسلة والجزر والبطاطس أو الفاصوليا الخضراء أو الفلفل الرومى.....)
2-بصلة مبشورة
3-مشروم(حسب الرغبة)
4-حوالى نصف كيلو طماطم معصورة

مقادير البشاميل :
1-حوالى من 10 -12 ملعقة كبيرة دقيق
2-من5 - 6 ملعقة كبيرة سمن نباتى أو زيت ذرة(وقد تزيد حسب الاحتياج)
3-شوربة خضار***

الطريقة:-
أ-للحشو:
1-يتم سلق الخضروات ثم تصفى بعد نضجها مع الاحتفاظ بشوربتها***لاستخدامها فى اعداد البشاميل
2-يتم وضع قليل من الزيت أو السمن فى طاسة ثم تحمر فيها البصلة حتى يصل لونها الى الذهبى أو البنى حسب الرغبة
3-تضاف الطماطم المعصورة ثم تتبل بالملح والفلفل أو بمرقة الخضراوات المتوافرة فى السوبر ماركت
4-تترك قليلا لتتسبك(أى تصبح كثيفة ويقل عصيرها) ثم تضاف الخضراوا ت المسلوقة والمشروم وتقلب لمدة 2 - 3 ق ثم ترفع من على النار

ب-للبشاميل:
1-فى حلة يوضع الزيت أوالسمن ثم يضاف الدقيق مع التقليب حتى لا يكلكع ويجب أن يختفى الدقيق تماما فى الزيت
2-يتم اضافة الشوربة***السابق اعدادها الى أن يتكون لدينا البشاميل مع التقليب المستمر ويجب أن يكون البشاميل قوامه متوسط
3-تتبل بمرقة الخضراوات

ج-صينيةالمكرونة :
1-يتم سلق كيلو مكرونة (لصينية متوسطة الحجم)
2-يتم أخذ نصف مقدار البشاميل وتخلط بها المكرونة جيدا
3-يتم وضع نصف مقدار المكرونة فى الصينية
4-يتم وضع الحشو مع فرده بعيدا عن الاحرف حوالى 1 سم
5-يتم وضع النصف الثانى من المكرونة
6-يتم فرد الجزء الثانى من البشاميل ويمكن وضع قليل من الزيت فى اليد أو الملعقة ليسهل فرده
7-يرش السطح بالبقسماط الناعم
8-توضع فى فرن سبق تسخينه حتى يحمر الوجه
9-اذا كان الفرن به شواية يتم وضع الصينية فى الفرن لنصف ساعة ثم اشعال الشواية حتى يحمر الوجه

من طرف **nancy cat** الثلاثاء يونيو 23, 2009 10:55 am

واللى عيد ميلاده فى الصيام ميزعلش

تورته صيامى
400ج سكر – 225ج زيت – 250ج ماء دافىء – 75ج كاكاو – 25ج بيكنج بودر
262ج دقيق (حوالى كوب و3 ملاعق كبيره) – نص معلقة ملح – 4ج فانيليا – كريمة نباتى – عين جمل - فروت دراى

الطريقة
مقاس الصينية 28
نولع الفرن على درجة متوسطة قبل الشغل
نضع الزيت والماء الدافىء والسكر وندوبهم مع بعض بالمضرب السلك لحد مايدوبوا ونضع الفانيليا
اضع الملح والبيكنج بودر على الدقيق واخلطهم
ثم اضعهم على الخليط اللى دوبناه فوق واخلطهم ثم اضع الكاكاو ونخلطهم بالمعلقة الخشب او البلاستيك
اضع العجينة فى الصينية فى فرن من 45 دقيقة لساعة
اضع على الكريمة النباتى شوية شيكولاتة سايحة واقلبهم
بعد ماتستوى وتبرد ادهنها من بره ومن فوق والاجناب كلها بالكريمه وندخلها الفريزر لمدة نص ساعه وبعد ماتطلع اصب عليها الشيكولاتة المرواة وهو ساخن جدا
ارش رشة سكر بودرة على العين جمل وارصصه على وش التورتة
وممكن كمبوت فواكه

يعنى الذواق ده على ذوقك

__________

شيكولاتة موروا

½ كيلو سكر – 200ج ماء – 180ج عسل جولكوز – 180ج كاكاو – 20ج جيلاتين نباتى
نضع على النار السكر والماء لحد مايتخنوا بس ميتغيرش لونه
فى حلة تانية اضع الجلوكوز والماء لحد مايتخنوا بس ميتغيرش لونه
ثم اضعهم على بعض ثم اضع الجيلاتين وادوبهم كويس لحد ماتعقد ثم اضع الكاكاو
يغلوا غلوة بس

بسبوسه صيامى

اكلات صيامى متنوعة Basbosa

المقادير :

3 كوب دقيق سمادينا
1 ونص كوب سكر
2 معلقه صغيره بيكنج بورد
4معلقه كبيره زيت
1 ونص كوب عصير برتقال
الطريقه

نضع دقيق السمادينا على السكر على البيكنج بودر ونضيف الزيت ثم عصير برتقال ونضربهم جيدا
وندهن الصينه زيت وتكون الصينيه متوسطه ونضع الخليط ونحطها فى الفرن درجه حرارته متوسطه
الشراب:
2 كوب سكر
1كوب ماء
1 معلقه كبيره عصير ليمون