حضني هو بيتكم

من طرف **veansea** الأربعاء نوفمبر 14, 2007 8:05 am

بتعدي عالناس في حياتها

أفراح مختلفة وجروح

وحاجات مبنعرفش قيمتها

غير لما مننا بتروح

لكن في كل الأحوال

دائما جوانا سؤال

ميجاوبش عليه المال

ولا لغيرنا بيه بنبوح

ايه اخرة رحلتنا دية؟

أهي أيام ومسيرها تفوت

ولا في حاجة مستخبية

منتظرانا بعد الموت؟

وفضلت ربي مستنية

اسمع اللي هتقوله ليّ

وبسرعة جاني ردك عليّ

ياولادي ياللي بدمي فديتكم

الأرض بس مكان غربتكم

ولما تخلص فيها رحلتكم

حضني هيبقى هو بيتكم

وهناك هتلاقوا سعادتكم

بس اوعوا تنسوا رسالتكم

من طرف **admin** الخميس نوفمبر 15, 2007 3:46 am

جميل اوووووووووووي

من طرف **veansea** الخميس نوفمبر 15, 2007 5:38 pm

marounandrew كتب:جميل اوووووووووووي

نشكر ربنا يا باشا
وشكرا لمرورك وتعبك

رد: حضني هو بيتكم