الادوات اتسرجت يا عدرا مفيش جداس بكرة

من طرف **admin** الجمعة فبراير 13, 2009 12:53 am

المعجزة ديه حكاها ابونا مكسيموس في نهضة العدرا

في قرية بسيطة من قرى الصعيد كان فيه كنيسة و فيه طقم مناولة واحد مطلي بالدهب و كان كاهن الكنيسة بيجي من قرية تانية يصلي القداس

و يوم السبت جه يصلي العشية بليل و بعد العشية بيتمم على طقم المناولة مش لقاه يدور هنا و هنا ملقاش طقم المناولة
بص للسما
ابونا : الادوات اتسرجت يا عدرا مفيش جداس بكرة

ومشى الشمامسة و الشعب و قالهم مفيش جداس بكرة محدش يجي بكرة الادوات اتسرجت
ومشي من الكنيسة متضايق و زعلان و يقولها الادوات اتسرجت يا عدرا مفيش جداس بكرة
في الوقت ده
واحد بيرعى غنمه جنب القرية ديه و شاف منظر غررريب جدااااا
في السما العدرا واقفة في هيبة ومنورة جدااااااا و مارجرجس معاها
العدرا : و بعدين يا مارجرجس ابونا مش هيعمل قداس بكرة
مارجرجس : ولا يهمك يا ملكة الادوات هترجع
العدرا : هات الادوات ومتعملش حاجة للراجل انا عرفاك...
مارجرجس : هرجع الادوات بس يا ملكة
و في لمح البصر مارجرجس اختفى و ظهر
مارجرجس : كله تمام يا ملكة
العدرا : و الراجل ؟؟
مارجرجس : انا معملتش حاجة هو بيعافر مع الحصان خبطه
و اختفت بعد كده ام النور و مارجرجس
راعي الغنم ساب الغنم و طلع يجري على بيت ابونا يشوف ايه اللي حصل
وهو بيجري في البلد سمع واحدة بتصرخ في بيت و تقول سرقت حاجتة اهو موتك
وصل لبيت ابونا
الراعي : تعالى يا ابونا على الكنيسة دلوجتي
ابونا : اسكت يا ابني انت مش عارف اللي فيها مفيش جداس بكره
الراعي : مش عارف ايه بس يا ابونا تعالى معايا على الكنيسة دلوجتي
ابونا : يا ابني بجولك مفيش جداس بكرة متجلبش المواجع يا ابني
الراعي : تعالى معايا على الكنيسة دلوجتي يا ابونا
ابونا و تحت اصرار راعي الغنم راح معاه
و د خلوا الكنيسة
الراعي : شوف ادوات المناولة يا ابونا
ابونا : يا ابني اسكت الادوات اتسرجت انت متعرفش حاجة
الراعي : جدسك اللي متعرفش يا ابونا ادخل شوف الادوات
و تحت اصرار الراعي دخل ابونا و لقى الادوات في مكانها
استغرب ابونا و طلع للراعي
ابونا : انت لازم تجولي ايه اللي حصل
الراعي حكى لابونا كل اللي حصل و اللي شافه
ابونا فرح جدااا و مجد ربنا و بعت للشمامسة عشان فيه قداس بكرة

بركة شفاعة ام النور معانا صلوات البطل الروماني

و العدرا تسامحني لو كنت نسيت حاجة بس انا كتبتها زي اما ابونا قالها

من طرف **tyota** الجمعة فبراير 13, 2009 3:16 pm

معجزه جميله جدا يااندرو
ميرسى كتير
ربنا يفرح قلبك

من طرف ايفيت السبت فبراير 14, 2009 1:10 am

اندرو ربنا يباركك ياابنى انا فرحانة قوى بالمعجزة بركة ام النور تكون معاك وحبيبى وشفيعى البطل الرومانى صلواتهم تكون معانا وتسندنا
هو دة مارجرجس البطل الرومانى السلام ليك يابطل

من طرف اميرعصام الإثنين مارس 30, 2009 6:21 pm

بركة شفاعة ام النور معانا صلوات البطل الروماني

الادوات اتسرجت يا عدرا مفيش جداس بكرة

الادوات اتسرجت يا عدرا مفيش جداس بكرة

رد: الادوات اتسرجت يا عدرا مفيش جداس بكرة

رد: الادوات اتسرجت يا عدرا مفيش جداس بكرة

رد: الادوات اتسرجت يا عدرا مفيش جداس بكرة