ليه بتعمل كده فيه يارب

من طرف **marounandrew** الجمعة يوليو 25, 2008 1:12 am

ها( لية يارب؟)00(لية يارب؟) 00(لية بيحصلي كدة؟) 00( اشمعنى أنا)
عبارات قلتها كتير 00وانتظرت أكتر ولكن 00للأسف :لا إجابة
لقيت ربنا بيقوللي :- أجاوبك بتاع اية ؟ واجاوبك لية ؟ هو في علاقة شخصية بينى وبينك علشان أجاوبك ؟!000 اللي بينى وبينك عامل عامل زي الشارع
الone way شارع إتجاه واحد 00 من تحت لفوق بس 00 شارع ما بتمشيش فية غير عربيات ماركة ( طلبات ) وماركة : (تظلمات ) ، وكل فين وفين لما تمر فية عربيات ماركة (تشكرات)00!!
لأنك لما بتقعد قدامى ( دة لو قعدت أصلاً ) بتقول الكلمتين اللي عندك وبتجري 00 مابتستناش علشان تسمعنى عايز أقولك إية أو عايز منك إية
سكت 00 هاقول إية ؟ ماهي دي الحقيقة 00 أنا علي طول مشغول وورايا 100 حاجة 00 ومابفتكرش ربنا الا لما تحصلي مصيبة ! 00 وقتها باصرخ وأقوله :
( لية يارب) و (الحقنى ) الي اخر قائمة الشكوي والاعتراض 00 مع إن علي العكس ، لما بيدينى عطية ، مابقولش
(لية يارب ؟) 00 ويا افتكرت اشكرة ، يامفتكرتش 000000!
( لية يارب؟)00(لية يارب؟) 00(لية بيحصلي كدة؟) 00( اشمعنى أنا)
عبارات قلتها كتير 00وانتظرت أكتر ولكن 00للأسف :لا إجابة
وفي وقت ما زادت علي الضغوط جداً 00 وحصللي زي ما بيقول الكتاب
( هكذا قال الرب : أضيق عليهم لكى يشعروا )
وشعرت فعلاً إنى لازم أعيد حساباتى مع نفسي 000 دلوقت أمامى طريقين وقائدين مالهمش ثالث :-1- طريق ابليس 2- طريق الله
بالنسبة لطريق ابليس :-
كلنا عارفين إن مفيش أسهل من إن الواحد يعمل خطية !! 00 دة حتى بولس الرسول قال (حينما أريد ان افعل الحسنى ، اجد الشر حاضر عندي )
تخيل لما بولس الرسول يقول كدة !!! يعنى أنا مش لوحدي في الخيبة دي
طب وبعد الموت؟
بعد الموت 00 بعيد عنك 00 هاكون في مكان فية حريقة ليل ونهار 00 ومافيهوش مصلحة مطافي تطفي 000 لان مفيشهوش مصلحة مياة اصلاً ( يعنى مش هلاقي مية ابل بيها ريقي ) 000 ومافيهوش مصلحة كهرباء00 يعنى حتى مش هاقدر أشوف اللي بيتشوي جنبي 000!!
بالنسبة لطريق اللة
الكتاب بيقول ( ما اضيق الباب واكرب الطريق الذي يؤدي الي الحياة وقليلون هما الذين يجدونة ) ( متى 14:7)
يعنى الشخص اللي هيمشي في الطريق دة لازم يكون سوبر مان علشان يقدر يقول للخطية :
(لو اتنطتى قدامى 0000 مش هعملك برضة )
طب اروح فين انا ولا اعمل إية ؟!؟ 000 دة انا باقول للضعف : قوم وانا اقعد مكانك
يعنى يارب حتى لو اخترت طريقك 00 مش هاعرف أمشي فية 0000
لقيتة بيقولي :- لا ياحبيبي ، الموضوع مش متوقف عليك انت 000 ضعيف ولا قوي ، لأن ( الخطية خاطئة جداً )

_________________

من طرف rody الجمعة يوليو 25, 2008 1:25 am

ربنا يباركك
اندرووووووووووووووووووووووووووو
ميرسى ليك

ليه بتعمل كده فيه يارب

ليه بتعمل كده فيه يارب

رد: ليه بتعمل كده فيه يارب