الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

من طرف **tyota** السبت يوليو 05, 2008 11:42 am

الحلقة الاولى

مينا : لو سمحتي حضرتك...ممكن براية

مريم: ههههههههههههههههههههههههههه

مينا : حضرتك بتضحكي على ايه ممكن اعرف يعني لو سمحتي

مريم : مش عيب شاب في سنك يطلب براية ..ده احنا في جامعة

مينا : طيب معاكي شفرة...عشان المحاضرة هتبدأ خلاص

مريم : ايييييه..ايه شفرة دي..ممكن تسكت لو سمحت

مينا "بصوت عالى" : حد معاااااااه براااااااااية....او قلم زيااااااادة..ردوا

مريم : انت اكيد مجنون وطي صوتك الطلبة كلها بتضحك عليك

مينا : ويضحكوا ليه ولاد الدزمة دووووووووول

مريم : خلاص خلاص انا هنقل المحاضرة وبعدين اديلك تصورها

مينا : شكرا بس انقلي كويس ..وياريت تنظمي الكراسة

(اثناء ما المحاضرة شغالة ومريمشغالة كتابة ومينا هيموت عشان مش معاه قلم)

مينا : يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

مريم : انت مالك ومال خطي مش كفاية هديلك تنقل مني وهتعطل انا

مينا : ليه وانتي عربية اصلك علشان تتعلطي..هما البنات متعطلين خلجة

مريم : انت انسان قليل الادب...بجد مش بتعرف تكلم البنات ازاي

مينا : لأ يا شيخة والنبي المرة الجاية تبقي تجيبيلي الكتالوج بتاعك

( مريم عشان رقيقة سكتت ومش عرفت ترد على مينا بحاجه وانتهت المحاضرة )

اثناء خروج الطلبة من المدرج...مينا حب يستظرف بس بطريقة غبية شوية

مينا وسط حشد من الطلبة بنات وولاد وكأنهم قطيع من المواشي

هررررررررررررررررررر...وضحكته سمعت كل اللي ماشي

(مريم بتحكي مع زميلتها من كلية تانية على مينا )

مريم : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

مريم : بس تعرفي شكله وسيم اووووي...حاسة انه طيب وعلى طبيعته

هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا

مريم : يا ستي سيبك

هالة : على رأيك

خلص اول يوم في الجامعة وقبل النهاية بدقايق

مينا : يا استاذة يا انسة فين المحاضرة عايز انقلها هاتيها يلا يلا بسرعة

مريم : تنقل ايه يابني دي عشر ورقات غير في رسومات وجداول

مينا : ومالهم يعني عشر ورجات انتي هتخلفي وعدك ولا ايه

مريم : انا مقلتش كده بس في حاجة اسمها تصوير..اسرع يعني

مينا : هههههههههههههههههه اصور ايه بخطك الزفت ده..شوفي ...زفت

مريم: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....

مينا: عليكي يا شيخة وعلى هالة وعلى الجامعة كلتها....وبرضه خطك زي الزفت

.

.

.

.

هاا ايه رايكم يا شباب

لو عجباكم اجيبلكم باقى الحلقات لو مش عجباكم عرفونى

المهم عندى رضاكم

من طرف **tyota** السبت يوليو 05, 2008 11:45 am

الحلقة التانيه

"واليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا مينا ...ماشية عكس خالص...مش عارف يتأقلم عليها"
" تعالوانشوف الايام والحياة الجامعية هتعمل ايه في مينا وهيتعامل معاها ازاي"
"كان
ميعاد المحاضرة الساعة 8 صباحا...كان مينا واقف قصاد المدرج من 6 الصبح مش عارف ليه ونبتدي

مينا: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

مينا: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

مينا:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

مينا : يا ابن الدزمة انت هتضيع عليا المحاضرة شكلك

مينا: اما اروح اجيب كوباية شاي سخن مولع

الراجل: تؤمر بأيه يا فندم

مينا : شاي خمسينة بنعناع

الراجل: ايه ايه...مفيش نعناع

مينا: ومفيش نعناع ليه

الراجل : هو كده مفيش نعناع على الشاي ..النعناع لوحده

مينا :طيب هات نص كوباية شاي ونص كوباية نعناع

الراجل: خد فلوسك اهي

مينا:طب والشاي ابو نعناع فين

الراجل:اوووف

مينا:اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...

ونجح انه يجيب المرة دي ..دخل المدرج

وفجأة

لقى مين اعد مكانه ...مين مين مين....لقى مريم فارشة كل حاجتها وبتشرب كابتشينووووووووووووووووو

مينا : بصوت لا يطاق....ايييييييييه ده يا هانم...هي وكالة من غير بواب

مريم :وطي صوتك من فضلك انا بتكلم بهدوء وبأدب

مينا:هي دي طريجتي..عاجبك ولا مش عاجبك

مريم:طيب انا مش هقوم

مينا: هروح للعميد يجي يقومك

مريم:ههههههههههههههههههه

مينا:بتضحكي على ايه يا باردة

مريم: لم نفسك

مينا: شايفاني مبعتر في الارض ولا اييييييييه

مريم: مش هتحضر...هههههههههههههه

مينا :عليا الطلاج لأحضر غصب عنك وعن عين الدك....

وفجأة سمع صوت الدكتور بيناديله !!!!!!!!!!!!!!
.
.
.
.
.
.
.
.
.

من طرف **tyota** السبت يوليو 05, 2008 11:48 am

.
الحلقه الثالثه

وقف الدكتور بكل ثقة...وبص على الطلبة كلهم

من بين كل الطلبة وقعت عينه على مينا وهو مكشر

الدكتور :مالك ياابنى مكشر من اول السنه ليه كده

مينا:لو سمحت معاك نمرة ماحمول العميد

الدكتور : ههههههههههه ايوة ليه

مينا : عاوز اقدم شكوى في البت دي

مريم :متقولش بت

مينا:هجول بت وستين بت كمان قومي يلا

الدكتور : بس بقى اخرس شوية يا اماهطردك

مينا : انا ...تطردني ليييييييه هاتلي مكان سعادتك

الدكتور: تعالى اعد جنبي هنا على الكرسي ده

مينا : وااه...اجعد جنبك مرة واحدة ياداكتووور

الدكتور :ايوة تعالى

وهو نازل راح وقع الكتاب بتاع مريم ورمى اقلامها

راحت مريم ضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا..مش هتحضر المحاضرة

مينا : ابوس ايدك يا بيه انا امبارح مكتبتش والنهارده محضرش..مين يرضى بكده يا ناس

وهو خارج رمى عينه على مريم ولمح فيها نظره عطف جميله

بعد ما المحاضرة انتهت...مريم خرجت لمينا

مريم :بجد انا اسفة اوووي

مينا : على ايه بقى ما المحاضرة خلاص

مريم : خد المحاضرة بتاعتي انقلها وانا هستناك

مينا : بجد بتتكلمي بجد

مريم : ايوة مع انهم اكتر من عشر صفحات بس هستناك

مينا: متشكر يا مازمازيل مريم

مريم : لأ قول مريم بس احنا اصدقاء وابتسمت ومشيت

مينا عمال ينقل وعمال يقول في سره...خطها زي الزفت
بس شكلها طيب اوى....الخط مش كل حاجة في الانسان يعني

مينا لمح مريم وهي جاية وبتبتسم بخجل

مريم : مينا انت خلصت المحاضرة

مينا : لأ لسة انا في اول صفحة مش عارف اجرا الكلمه دى

مريم قرت الكلمة

مريم : اوكي كمل انا هستناك

مينا :لا لا انتي لازم تروحى دلوقتى عشان انتى اتاخرتى خالص

مريم : طيب والمحاضرة

مينا : تتحرج المحاضره

مريم ضحكت ضحكة رقيقة جدا حركت قلب مينا الاسد

مينا : ممكن اوصلك لحد الباب...والله لحد الباب بس

مريم : اوكي اوكي مفيهاش حاجة اتفضل

مينا : انتي فى الجامعة هنا من امتى

مريم :ايه يا مينا انا في سنك لسة اول سنة

مينا : انا عارف انا عارف

مينا : وياترى دخلتي هنا واسطة ولا ايه

مريم: هههههههههههههههههه ...مينا مالك في ايه

مينا : لا بهرج معاكي

مريم : تعرف انك.....

مينا :اني ايه؟

مريم : طيب اوووي

مينا : وانتي انسانة محترمة اه فعلا محترمه بجد

مريم : ميرسي

مينا :يالهوي ياني انا منجلتش المحاضرة بتاعت النهاردة

مريم : ميرسي يا مينا على التوصيلة الجميلة دي منك

مينا : انتي رايحة
فييييييييييييييييين

المحاضرة

المحاضرة

المحاضرة
.
.
.
..

.
.نكمل في الحلقة الجاية

من طرف **tyota** السبت يوليو 05, 2008 11:57 am

الحلقة الرابعه ويارب دى كمااااااااااااااااان تعجبكواااااااااااااا

مينا مأجر شقة مفروشة وساكن فيها فترة الدراسة ....

ظبط المنبه بتاعه على ميعاد الجامعة
جرس الباب بيرن ... بيرن ... خبط جامد .... مينا قام مخضوض وبيفتح الباب وووفجأة

هاي .. انا جارتك اللي ساكنة قصادك

مينا : طيب وانا اعمل ايه يعني جارتي ولا مش جارتي

تؤ ... طيب قول صباح الخير .. قول صباح النور .. قول صباح اللي بتغني

مينا : يا فتاح يا عليم يا رزاق يا كريم ... يادي النيلة .. انتي عاوزة ايه مني دلوقتي

انا ؟ ؟

مينا : امال امي

تؤ تؤ انت عصبي كده ليه ... كل شئ بالتفاهم وبالهدوء ... اعملك نسكافيه يهدي اعصابك

مينا : متشكر يا ستي متشكر خالص انا ... عاوزة ايه مني على الصبح كده انا ورايا جامعة

ايه ده .. انت بتروح الجامعة ... انا بفتكرك في المدرسة

مينا : صبرني يارب صبرني ... جولي عاوزة ايه هتأخر على الجامعة

عندك حبة شطة

مينا : هاا ... جلتي عاوزة ايه

شطة شطة .... اللي بتخلي الاكل يوحوح

مينا : لا انا مش بحب اوحوح عن اذنك ... وقفل الباب ولبس بسرررعة ونزل

ركب الاتوبيس

مينا : الاجرة بكام لو سمحت يا اخينا

رد شاب ستايل ... ههههههههه ايه اخينا دي دي كلمة قديمة موت

مينا : ماشي يا عم الجديد .... بكام الاجرة

الكمثري : بجنيه وبريزة يا كابتن

مينا : اشمعنى وبريزة

الكمثري : حكومة تقدر تتكلم

مينا : خد يا عم ونزلني عند الباب الرئيسي

مينا داااااااااخل بيجرررري .... وهووووووب ... خبط في بنت وقع عليها العصير

انت غبي ... انت مبتشوفش

مينا : هشششششششششش

انت قليل الادب مش محترم كمان

مينا : هسسسسسسسسسس

مينا : انا ورايا محاضرة مش فاضيلك انا خدي منديل

انا هوريك انا لازم ابهدلك

يا عمرو يا وائل يا هيثم

عمرو : مالك بيها يا تحفة

وائل : انت لازم تتربى كويس

هيثم : مش هتروح سليم النهاردة

مريم لمحت الخناقة من بعيد

مريم : مينا مينا في ايه

مينا : ابعدي انتي يا مريم ده تار قديم وهيخلص النهاردة

مريم : مينا دي جامعة انت ممكن تتفصل

مينا : ومحضرش محاضرات تاني ؟

مريم : ايوة ايوة انا هروح انده الامن

مينا : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله مينا خرج سليم

مع انه كان ادها وادود يعني بس خاف طبعا على مستقبله

مينا : متشكر يا مريم جوي

مريم : ده اقل واجب يعني

مينا : انتي عملتي الواجب صح

مريم : واجب ايه يا مينا هو احنا في مدرسة

مينا : ههههههههههه اصلها فاكراني في المدرسة

مريم : هي مين دي

مينا : اللي عاوزة الشطة

مريم : انا مش فاهمة حاجة يا مينا

مينا : انتي بتحبي توحوحي

مريم : هههههههههههههههههههه

مينا : هههههههههههههههههههه

مريم : تعرف يا مينا ان دمك خفيف اوي

مينا : ربنا يخليكي انا مش بجدر على الكلام ده

مريم : هو انا قلت حاجة يا مينا

مينا : ايوة دمي خفيف وحلو ومسمسم والكلام الكابير ده

مريم : ههههههههههههههههههههههه

مينا : بتضحكي على ايه عاد

مريم : ههههههههههههههههههههههه

مينا : يوه يوه يوه

مريم : المحضارة هتبتدي يا مينا يلا نحضر

مينا : ماتيجي نتمشى شوية في الحديقة وبلاش المحاضرة

مريم : بجد ... طيب يلا

مينا : ال حديقة ال .... يلا يا هانم نلحج المحاضرة انا حاجزلك جنبي

مينا دخل لقى اتنين اعدين مكانه هو ومريم

من طرف **tyota** السبت يوليو 05, 2008 12:01 pm

الحلقه الخامسه

مينا دخل لقى اتنين اعدين مكانه هو ومريم

دي كانت نهاية الحلقة اللي فاتت يارب الحلقة دي تعجبكم

مينا : ايه يا كابتن انت وهو انا حاجز المكان ده من بدري

انت حاجز صالة ولا بلكون

مينا : لأ حاجز حمام يا خفيف

هو انت فاكرني شاي ولا ايه

مينا : ايوة شاي ومتاخدش في ايدي غلوة كمان

انت باين عليك متعرفش الكابو هيثم

مينا : وانت باين عليك متعرفش مينا ابن عمدة القرية

ههههههههههههههههههههههههههه

مينا : بتضحك على ايه يا ابن الدذمة

ودخل مينا في عراك وكأنه عراك بين الديوك ومريم مش عارفة تعمل ايه

غير انها جابت النوت بوك بتاعها وفضلت تضرب مع مينا

مينا : اي اي ايه يا مريم دي دماغي انا

مريم : سوري يا مينا مكنش قصدي بجد

مينا : اخرجي انتي برا وايه الجلم الرصاص اللي بتضربي بيه ده

مريم : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

مينا : هجطعه

الدكتور : تقطع مين يابني ... احنا في جامعة

مينا : جامعة مش جامعة هجطعه

مريم : ايوة احنا هنجطعه

الدكتور : تعالوا برا انت وهي

مينا : لأ والنبي يا داكتور الجو ساجعة برا جوي

الدكتور : اطلع بقولك

مريم : يلا يا مينا

مينا : يلا ايه وزفت ايه ... هو احنا رايحين نتفسح

وطلعوا يا عيني هما الاتنين ولسوء حظ مينا انه برضه محضرش المحاضرة دي كمان

مينا : انا مروح يا مريم

مريم : لأ خليك اعد معايا شوية

مينا : لأ يا مريم انا مروح

مريم : انا عايزة اتكلم معاك

مينا : بكرا ان شاء الله نتكلم كتير ... ماهو كده كده مش هحضر بكرا برضه

مريم : انت بتحب الماحضرات ليه يا مينا

مينا : انا جاي مصر عشان اتعلم يا مريم مش عشان اتنزه

مريم : انا عارفة انك شاب مش فاضي من جواك

مينا : ربنا يخليكي يا مريم

مريم : اي نعم انت مش مهتم بمظرك ... ومش بتسرح شعرك حلو ... بس حاسة انك وسيم اووي

مينا : ماتجولي معفن احسن يا ست مريم

مريم : انا مش اقصد خالص

مينا : ولا تقصدي ... انا جيت مصر غلط من اساسه دي مش بيئتي ولا دي حياتي

مريم : انا اسفة

مينا : انا اللي اسف .... عن اذنك

وبعد ما مينا مشي مريم مشيت هي كمان وكانت زعلانة جدا من كلامها معاه

ولو انها مكنتش تقصد بس مينا حساس حبتين

مريم حاولت تتصل بمينا عن طريق جارته

مريم : الو ممكن اكلم مينا جار حضرتك

الجارة : مينا مين يا انسة

مريم : مينا جارك

الجارة : اااه تقصدي موني

مريم : انتي مسمياه كده

الجارة : هو بيحبني اووي اقوله كده

مريم : طيب كويس ممكن تناديه

الجارة : مينا مينا مينا مينا

الجارة : مينا مينا مينا مينا

مينا :.. اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا موني .. انا خضيتك ولا ايه ... طيب تعالى في حضن ماما تعالى

مينا : اخلصي يا ست عاوزة ايه مني وليه بتخبطي في وقت زي ده

الجارة : تليفون عاوزك

مينا : والتليفون عاوزني في ايه

الجارة : هههههههههههههههه جتك ايه يا مووني يا سكر

الجارة : اقصد حد عاوزك على التليفون

مينا : ابوووووووويا جراله ايه انطجي قولي

الجارة : لأ لأ ده صوت واحدة

مينا : امي امي اما مالها مالها

الجارة : ده صوت جثة

مينا : ههههههههههههههههههههههه

مينا : والجثة هتتكلم ازاي يا ام مخ تاخين

الجارة : تعالى ورايا يا موووني وانا اخليها تنطق وتتكلم

مينا : طيب يا وش المصايب

مريم : سمعت ضحك مينا وجارته دي ... وقفلت السكة

مينا : الو الو ... الو الو

مينا : هههههههههههههههههههههههههه

مينا : الجثة مش راضية تنطق ... ده باين كده الجثة ماتت

هههههههههههههههههههههههههههههههههه

استنونا بالحلقة الجاية

من طرف **tyota** السبت يوليو 05, 2008 12:03 pm

وادي الحلقه السادسه

اما مريم كلمت مينا في التليفون ... وكانت زعلانة جدا لما سمعت صوت جارته ...

ومينا مكنش داري بالدنيا ساعتها ...

من ساعتها مينا ابتدى يروح الكلية وكان متخاصم مع مريم بعد كلمتها الجارحة ليه ...

انه مش استايل وشعره دايما منعكش ....

ابتدا ينتظم شوية في الدراسة لحد ما جت الامتحانات وده كان اخر يوم في الامتحانات ..

مينا بيكلم واحد صاحبه عن الامتحان

مينا : امتحان ممتاااااااز سهل ميا

صاحبه : حرام عليك .. ده انا مكتبتش حرف

مينا : ليه جلمك اتجصف ولا ايه

صاحبه : لأ يابني الامتحان مليان

مينا : بوي .. مليان ايه انت هتجنني

صاحبه : في ايه دلوقتي

مينا : انت طلعت اول مسألة كام

صاحبه : محلتهاش

مينا : والتانية

صاحبه : 100

مينا : حمـار

مينا : طب والتالتة

صاحبه : 2000

مينا : حمـار

صاحبه : يوووه

مينا : طب والرابعة

صاحبه : محلتهاش

مينا : يا حمـار هما تلاتة بس

صاحبه : انت اعد ولا هتسافر البلد

مينا : لأ هسافر انا مش ليا حد هنا

ولسة بيدور وشه .... قرب عليه الملاك مريم ... وبصوت رقيق

مريم : يارب تكون حليت كويس

مينا : ايوة الامتحان كان ممتاز

مريم : لسة زعلان مني

مينا : وهزعل منك ليه ... احنا بيننا ايه

مريم : مفيش عادي بسألك .. انت ليه دايما عصبي

مينا : على فكرة انا لو مجبتش امتياز هيكون بسببك

مريم : ليه بس ... انا السبب

مينا : فاكرة الكام محاضرة اللي اتطردت فيهم بسببك

مريم : هههههههههههههههههههههه

مينا : هههههههههههههههههههههههههههه

مريم : وحياة اغلى ما عندك مش تزعل مني

مينا : طمنيني عملتي ايه في الامتحان

مريم : بليز يا مينا متزعلش مني اسفة بجد

مينا : وحشتيني

مريم : انا ؟

مينا : وحشتيني يا امي ههههههههههههههه

مريم : هههههههههههههههههههههههه

مينا : مالك اتخضيتي لما قلت وحشتيني

مريم : وانا هتخض ليه

مينا : اسألي نفسك

مريم : هه ظريف

مينا : امسكي نفسك شوية يا بت

مريم : هههه خفيف

مينا : مش ملاحظة حاجة عليا

مريم : لأ بس شايفاك مبسوط عن قبل كده الحمد لله

مينا : لأ لأ حاجة في شكلي

مريم : الراجل مش بشكله

مينا : اااااااه والله .... بعد ايه ... مش كان شعري متنعكش ومش بيتسرح

مريم : انا مكنتش اقصد ... كنت بهزر معاك

مينا : اااااااااااااه بعد ايه بقى بعد ما جبت علبة كريم بامبرز ب 25 جنيه

مريم : ههههههههههههههههههههههههه اسمه بالمرز

مينا : ايوة امسكي في التفاهات دي ... يعني شعري وحش

مريم : جميل

مينا : بجد

مريم : جميل راتب ده ممثل ممتاز ههههههههههه

مينا : ااه يا رخمة

مريم : هههههههههههههههههههههههههه

مينا : انا هسافر اسبوعين وجاي تاني

مريم : ليه كده خليك هنا

مينا : هستنى ليه

مريم : نروح شرم الشيخ مع الجامعة

مينا : رحتها كتير كفر الشيخ

مريم : شرم شرم

مينا : بتاعت البنات اللي مش لابسه

مريم : عيببببب

مينا : في ايه هو انا اللي بلبستهم

مريم : خلاص بقى رد عليا عشان نروح .. اتصل بيا

مينا : ان شاء الله

مريم : اوكي اشوفك على خير

مينا : كنت عايز اقولك حاجة مهمة اوووي من زمان

مريم : ايه هي يا مينا قول قول قول

مينا : مش مسامحك على المحاضرتين اللي محضرتهمش بسببك

مريم : مع السلامة يا مينا

مينا : سلام يا مريم

وهو مروح بقى ...... عليا الطلاج لهروح الرحلة .... عاوزين نغير دو بقى

ووووووووووو نكمل الحلقة الجاية ان شاء الله

من طرف **tyota** السبت يوليو 05, 2008 12:05 pm

الحلقه السابعه

وبعد ما مينا خلص امتحانات هو ومريم وقرر انه يطلع الرحلة وكان ميعاد الرحلة اتحدد

مريم : هو مينا اتأخر كده ليه

ريم : انتي مالك مش على بعضك ليه

مريم : وانتي مالك

ريم : مش عارفة مهتمة بواحد زي ده ازاي

مريم : ملكيش دعوة بقى

ريم : صحيح عملتي ايه في العريس اللي اتقدملك

مريم : رفضته طبعا .. انا لسة مش عاوزة ارتبط دلوقتي

ولسة الاتوبيس هيتحرك كان مينا وصل ومريم تنفست الصعداء

مينا : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

مينا : هو احنا هنسافر في الاتوبيس ولا الجطر

ريم : يااااربي

مريم : ههههههههههههههههههههههههه جامدة دي يا مينا

مينا : اي خدمة يا مريم ابقي تعالي كل يوم

مريم : اجي فين

مينا : لا لا متاخديش في بالك

والكل ركب الاتوبيس وفجأة مينا بيطلع من شنطته طبلة كبيرة

وشغال ضرب عليها لحد ما وجع دماغ الناس كلها والكل زهق منه

مينا : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

مريم : ابدا يا مينا بس الطبلة صوتها عالي اووووي

مينا : مانا عارف ان صوتها عالي ... مكنتش اعرف انها هتضايقكوا كده

مريم : عامة انا مش مضايقة انا مبسوطة بيها

وفجأة مينا بيطلع من شنطته زمارة كبيرة بتاعة الفرق الشعبية

وفضل يوجع دماغ الشباب كلهم بأصوات الالات الموسيقية الغبية دي

وفضل على هذا الحال لحد ما وصلوا

مينا : يا بووووي يا جدعان المنطجة هنا جامدة جوي جوي

مريم: انت اول مرة تيجي هنا

مينا : لأ جيت قبل كده ايام الحرب

مريم : حرب ايه يا مينا .. هو انت حضرت حروب

مينا : هو احنا هنروح امتى يا مريم

مريم : يعني لسة اسبوع ... انت زهقت ولا ايه

مينا : لا لا خالص بس انا مجبتش اكل كفاية

مريم : مينا اكل ايه بس هنا الاكل اوبين بوفيه

مينا : يعني ايه

مريم : يعني تاكل اللي انت عايزه

مينا : يالهوي ياني يا جدعااااان

مريم : انا هطلع اغير بقى

مينا : اوعي تجولي هتلبسي مايوه ده اللي بيجولو عليه

مريم : هههههههههههههههههه ايه يا مينا ده بس

مينا : صدجيني معرفكيش تاني

مريم : انت هتنزل البسين بأيه ... معاك ماييوه

مينا : لأ انا ابويا جايبلي ترننج من السعودية هنزل بيه

مريم : مينفعش يا مينا

مينا : بجولك من السعودية .. جامد جدا جدا

مريم : طيب يلا نفطر بقى عشان جعانة

مينا : انتي على طول جعانة كده

مريم : ههههههههههههههههه انا بحب الاكل اوي

مينا : انا اخر حاجة افكر فيها الاكل

مريم : يعني مش هتفطر

مينا : في مش وخيار وعيش بلدي

مريم كانت عاوزة تقوله ده عند ماما الكلام ده

مينا : كل ده اكل يا نااااااااااس ... هيخلص امتى ده بس

مريم : كل على اد ما تقدر يا مينا

مينا : عليا الطلاج انا هاكل وكل لحد ما افرجع كده

مريم : انا طالعة اغير ونازلة

مينا : تغيري ايه بس يا شيخة بصي على نفسك في المراية وشوفي الولية الجااامدة دي

يابووووووووووووووي انا لازم اروح اتعرف عليها دي لابسة لبس

جاامد جوي جوي

ووووووووووو نكمل الحلقه الجايه ان شاء الله

من طرف **tyota** السبت يوليو 05, 2008 12:08 pm

الحلقه الثامنه

" مينا استنهز فرصه ان مريم تطلعت تغير هدومها وراح اعد جنب الوليه وحصل اللي حصل " اكيد

" الوليه طبعا مبتعرفش عربى اصلا " خالص

مينا : يالهوي علي الغزال اللي بيلعب في الرمل

الوليه : ــــــــــــــــــــــــ ؟

مينا : يالعوي علي الحصان اللي اعد علي شط

الوليه : ـــــــــــــــــــ ؟

مينا : يالهوي عالجمر اللي الميه بلته

الوليه : ـــــــــــــــــ ؟

مينا اتخنق وزهق كل الكلام ده والوليه مش راديه تعبره

مينا عجبه تقل الوليه واحنا عارفينه صعيده ومخه تخين لازم يكلمها

مينا : ايه يا عم التقل دا عبرنا ولو بنظره

الوليه خدت بالها ان في صوت بيتكلم بصتله

مينا : ايه العنين الدامده دي

مينا : بس بس بس بس بس بس انت يا جمر

الوليه : ________؟

مينا سرحان في عيون الوليه ومش عارف يقول ايه اتبلم

يالهوي دا مريم جايه في الطريق ومينا لسه مبلم في عيون الوليه

مريم : مينا " مينا مش هنا خالص راح في دنيا تانيه " مش معانا

مريم : مينا مينا مينا

مينا : ايه مين

مريم : ايه يا بني انت سرحان في ايه كده

مينا : لا مافيش

مريم : طيب انتا جاي معانا ولا اعد

مينا : نروح فين

مريم : هنروح نفطر ونطلع علي البلاج

مينا : طيب روحه انتوا انا اعد هنا شويه

مريم : لا يا مينا تعالي معانا

مينا : لا انا عايز اعد هنا شويه

مريم : كده يا مينا مش عايز تروح معايا

مينا : خلاص خلاص انا هاجي معاكي جومي كتج الجرف

مريم : بتقول حاجه يا مينا

مينا وهو ماشي في سره با بنت الدزمه لازم تيجي دلوقتي انا كنت خلاص هكلم الوليه

مريم : مينا انت بتقول حاجه

مينا : لا

مريم : طيب انت مش هتطلع تغير هدومك وتلبس الترنج اللي من السعوديه الجامد جدا ده

مينا : اه والله فكرتينني بصي انا هطلع اغير وابقي اجيلك روحي انتي

" مينا وزع مريم وطلع غير ومش راحلها راح فيــــــــــــــــــــــــــــــــــــن " فين

هنعرف الحلقه الجايه

من طرف **admin** السبت يوليو 05, 2008 12:09 pm

مكرر

من طرف **tyota** السبت يوليو 05, 2008 12:11 pm

الحلقه التاسعه

مينا ساب مريم راحت المطعم وطلع هو يغير لكن خد وقت كتير اوي

لانه مش عارف يلبس الترنج اللي من السعوديه الجديد

محتار يلبس انهه وش اصله وشين زي بعض ما علينا مينا اتخنق راح رامي الترنج

ولبس ترنج غيره ونزل نفض لمريم و راح يدور علي الوليه

مش لاقها في نفس الوقت مريم قلقت علي مينا راحت تدور عليه واخيرا

مريم : كنت فين يا بني

مينا : ماكنتش وهروح فين يعني

مريم : بس ايه الشياكه دي هو دا التنرنج اللي جايبه من السعوديه

مينا : لا التاني فوق في الاوده مرضتش البسو الواحد المفروض ميلبسش اللبس الدامد بتاعه من اول الرحله اكده

" مينا مش عايز يعرف مريم انه مش عارف يلبسه عشان مش تتضحك عليه " اه يا كداب

مريم : طيب يلا عشان نروح نكمل اكل

مينا : يالهوي انتي هتكلي تاني انتي مش فطرتي

مريم : لا انا كلت حاجات بسيطه كده مستنيياك عشان تفطر معايا

مينا : مرسي يا مريم ربنا يخليكي

مريم : يلا يا مينا

مينا : جرسووووووووووووووووووووووووووووووووووووون انتا ياااااض

مريم : بس يا مينا الناس بتبص علينا هو هيجيلنا المنيو بتاعه الاكل دلوئت

مينا : منه مين هي منه دي شغاله معاه

مريم : يالهوي المنيو المنيو

مينا : اه منيو مش منه مين منيو دا بقه

مريم : يالهوي يا بني ليسته الاكل

مينا : اه ماتقولي كده من الاول لازم تجيبي منه يعني الاول

مريم : طيب شوف هتاكل ايه

مينا : طيب انا هاخد ايه دا مافيش فول طعميه برنجان ايه الاكل دا

مريم : هو انت في البلد الفطار هنا زبده مربه جبنه حاجات خفيفه كده

مينا : والحاجات دي بتشبع ولا هنجوع منها

مريم : يعني كل لاغيه متشبع دا اوبن بوفيه

مينا : طيب بص يا كابتن هاتلي 5 زبده و10 مربه و 5 جبنه و10 عيش

الكابتن : ليه يا فندم انت عازم حد

مينا : وانت مالك يا سسقيل اه عازم نفسي علي الفطار شوف الانسه تاكل ايه

مريم : هتلي زبده ومربه وجبنه ورغيف عيش بس

الكابتن : اي خدمه تانيه

مينا : متشكرين يا خفه روح يلا يااض

مريم : ايد دا يا مينا عامل الولد بشكل احسن شويه

مينا : يا عني اطلع البس بدله واكلمه عشان اكلمه كويس

مريم : هههههههههههههههههههههههه يخربيت عقلك يا مينا مش قصدى

مينا : هو الراجل اتاخر كده ليه انتا يا عم جعانين

مريم : يالهوي براحه يا مينا الناس بتضحك عليك

مينا : ليه هو انا بكلمه وانا واقف علي ايدي طب يلا والله منا واكل

مريم : خلاص يا مينا برحتك بس انا جعانه

مينا : يلا نروح ناكل في حته تانيه

و خدها مينا و هيروحو ياكلو فى حته تانيه

مينا وهو ماشي لاقه مين في وشه وداخل يفطر

هنعرف الحلقه الجايه 

من طرف **tyota** السبت يوليو 05, 2008 12:17 pm

_----
العاااااااااااااااااااااااااشرة

الحلقه العاشره

مينا بعد ما حلف على مريم انهم يفطروا في مكان تاني

وهما طالعين لاقى الوليه اللي كان عايز يكلمها

وشه احمر وراح لمريم قالها

مينا : مريم عشان خاطرك انتي بس هنرجع ناكل في المطعم عشان انتي شكلك جعانه

مريم : مرسيي يا مينا علي زوقك " طيبه ماتعرفش اللي فيها " خالص

مينا : هو الجارسون اتاخر كده ليه انت ياااااااااااااااااااااض

مينا : فين الوكل

مريم : اهه جاي اهه

الكابتن : اتفضلوا الاكل بالهنا والشفا

مريم : مرسيي

مينا : يلا ياض من هنا

مريم : ايه يا مينا خلي قلبك رقيق من كده

مينا : طيب يا سيتي بقلك ايه يا مريم ما تيجي تعدي مكاني

مريم : ليه يا مينا

مينا : يعني تعالي بس

مريم : طيب تعالي من شوف اخرتها معاك

طيبه اصل الوليه كانت اعده ورا مينا و هوا كان عاوز يبصلها

مينا : سرح في عيون الوليه ونسي الاكل ومريم

مريم : مينا مينا " مينا مش هنا " انت يا مينا انت رحت فين

مينا : ايوه بتقولي حاجه

مريم : يالهوي انت دا كله ومش معايا انت سرحان في ايه

مريم : سرحان عبد البصير

مريم : هههههههه خفيف سرحان فيه ايه بجد وبتبص فيا كده ليه

مينا : انا ببص عليكي انا بتتلككي ولا ايه هبصلك ليه يعنى

مريم بتتلكك " راحت مريم بصت وراها لاقت الوليه بتتضحك لمينا ومينا سرحان معاها " هههههههه

تش تش تش مريم دلقت الميه فوق هدوم مينا مفتريه بجد

مينا : ايد دا يا مريم ينفع كده الترنج اتبل هخرج ازاى دلوئت

مريم : احسن عشان تسرح برحتك بعد كده انا ماشيه

مينا : خدي بس يا مجنونه مالك زعلتى ليه بس

مريم سابت مينا وطلعت اودتها وزعلانه مينا طلعلها عشان يصالحها

مينا : مريم خلاص بقي انا اسف بجد

مريم : اسف علي ايه

مينا : عشان بصيت للوليه

مريم : وانا مالي ما تتحرق انتا وهيا " ومريم يا عيني هتموت عشان بص للوليه " ومتغاظه

مينا : اتحرق كده طب انا ماشي راجع البلد ومش هتشوفي وشي تاني غير علي الدراسه

مريم : احسن روح " فى لحظه زعل جامده وعصبيه " كده

مينا : كده طيب شكرا علي الرحله الجميله دى

مريم سمعت اوده مينا بتتفتح وطالع بالشنط ونازل من علي السلم

مريم جريت ورا ولاقيته بيكلم في التليفون من الريسبشن بيكلم مين

هنعرف الحلقه الجايه

من طرف **tyota** السبت يوليو 05, 2008 12:19 pm

الحلقه الحاديه عشر

مريم وهي نازله جري ورا مينا عشان تخليه يعقد معاهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين
مينا : الو
جارته : الووووووووووو مين معايا في التليفون بس ازاي دخلت جوه هههههههههههههه
مينا : مش وقت استظراف امك دلوقتي
جارته : ايه يا واد الخفه دي مين معايا
مينا : انا مينا اللي اتهبب وساكن في الشقه اللي قدامك
جارته : اه مينا موني موني ازيك يا واد يا مووني عامل ايه انت فين ياض وازاي اخبارك
مينا : انا في شرم الشيخ
جارته : مش كنت تقولي يا واد كنا رحنا سوا
مينا : تيجي فين يا وليه دا انتي لو شوفتي النسوان اللي هنا تنتحري
جارته :جاتك ايه يا موني عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون
مينا : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (مريم سمعت الكلام دا وشها مريم من الفرحه)
جارته : انا يا موني انا يا واد لو عايزه اكون زي جوليا روبرت هكون
مينا : جوليو ابو ربع جنيه انتي بتكلي الحاجات دي يا وليه
جارته : جاتك ايه يا موني يخربيت عقلك سكر سكر انت بتتصل ليه بقي
مينا : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده
جارته : ماشي يا حبيب قلبي ترجع بالسلامه مستنياك
مينا : مستنيه مين يا وليه انتي تخلي معاكي المفتاح بس
جارته : ماشي يا مودي ترجع بالسلامه خلي بالك من نفسك
مينا بيحط السماعه وبيلف لاقه نور في وشه
مريم : انتا مسافر خلاص
مينا : اصل اعد لمين انا جاي عشانك وانتي زعلتي ومشيتي
مريم : مانتا السبب سرحان في واحده وانا معاك
مينا : خلاص يا سيتي انا اسف
مريم : وانا اسفه ماتسفرش خلاص
مينا : خلاص مش مسافر عشان خاطرك انتي
مريم : مرسي يا مينا بجد انتا طيب اوي
مينا : انتي اطيب والله
مريم : طيب بقي اطلع حط الشنط وتعالي نتمشي
مينا : بس انا جعان اوي
مريم : خلاص طلع الشنط وتعالي نفطر
مينا : اوك
مينا وهو طالع يودي الشنط وبيغير باب الاوضه خبط يا تري مين
?????????? ???????

من طرف **tyota** السبت يوليو 05, 2008 12:21 pm

الحلقة الثانية عشر

( مينا ساب مريم واقفه في الريسبشن وطلع يحط الشنط ووهو بيغير الباب خبط )

مينا : مين اللي بيخبط
الطارق : انا
مينا : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب مينا شافه في المطعم وطلع وراه الاوده عشان يسلم عليه)
مينا : ( فتح الباب لاقا محمود صحبه خاده بالحضن وسلامات وبوس )
محمود : ازيك يا مون يخربيت عقلك انت ايه يا واد اللي جابك هنا وجاي مع مين
مينا : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
مينا : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
مينا : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
مينا : ماشي يا مان والف شكر

( مينا ساب محمود ونزل يفطر بقي اخيرا هيفطر مع مريم )
مينا : اخيرا يا مريم هنفطر
مريم : اخيرا انا ميته من الجوع
مينا : لو سمحت الفطار بتاعنا
الجرسون : حاضر يا فندم
مينا : بس بسرعه عشان ميتين من الجوع
مريم : اه بسرعه خالص عشان ممكن ناكل في بعض دلوقتي
مينا : بسرعه يا عم احسن تيجي تاكل فيا
جرسون : حاضر يا فندم

( الجرسون جاب الاكل وكلو الحمدو لله ومريم خدت مينا وتمشوا علي البحر )
مريم : انت هتعمل النهارده ايه يا مينا
مينا : مش عارف والله يا مريم انا عندي فكره احنا نتمشي شويه بعدين انا هطلع انام عشان تعبان من السفر
مريم : عندك حق والله اوك وبليل ننزل نخرج ونشوف البلد
مينا : اوك يا مريم
مريم : البحر هنا حلو اوي بكره اكيد ننزله سوا
مينا : باذن الله
مريم : يلا نرجع بقي
مينا : يلا

( مينا ومريم طلعوا اودهم وهنعرف عملوا ايه باليل باليل النهارده )

من طرف **tyota** السبت يوليو 05, 2008 12:23 pm

الحلقه الثالثه عشر

( مينا ومريم طلعوا يسيتريحوا وهيخرجوا مع بعض بليل ....................... بعد وقت طويل مينا ومريم قابلوا بعض بليل كده بعد المغرب وخرجوا مع بعض )

مينا : تصدجي يا مريم شوفي احنا بقلنا قد ايه مع بعض وانا مش عارف عنك اي حاجه
مريم : وانا بردك تصور بص يا سيدي اتكلم انا ولا تتكلم انتا
مينا : لا اتكلمي انتي وانا بعدين اتكلمي ليدز فرست
مريم : بص يا سيدي انا اسمي مريم شريف صبحي والدي شغال مدير بنك اوك
والدتي اسمها مش مهم وشغاله في الجامعه
مينا : تصدقي اسم مامتك جامد مش مهم مين الذيذ الي سماها الاسم ده
مريم : هههههههه يخربيت عقلك يا مينا اسمع بقه
مينا : اتفضلي خلاص
مريم : وانا عندي اخت واحده اكبر مني وماسفره مع جوزها واعده في البيت لوحدي مع ماما
وبابا وليا اخ صغير كده بس ايه عسل
مينا : ربنا يخلوهملك
مريم : انا حكيت اهه اتكلم انت شويه
مينا : بصي يا سيتي انا اسمي مينا والدي عمده القريه الي عايشين فيها
والدتي ست بيت طيبه اوي
مريم : ربنا يخلهالك
مينا : ربنا يخليكي وانا عندي اخت صغيره كده بس ايه عفريته موووووووووت
مريم : ربنا يخلهالك
مينا : بس قوليلي انتي دخلتي الكليه دي كان نفسك فيها ولا عشان مجموعك
مريم : لا انا كان نفسي ادخلها عشان والدي يعني كده
مينا : طويب
مريم : وانت دخلتها ليه تلاقيك عشان المجموع
مينا : لا والله انا دخلتها عشان كان نفسي اخشها يعني شغلها كتير وفي جميع المجالات
مريم : قولي صحيح يا مينا لما تيجي تتجوز ايه مواصفات البنت اللي انت نفسك تتجوزها
مينا : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده ( مريم وشها احمر واخضر وبتكلم نفسها دا كل المواصفات دي فيا وسرحت في كلام مينا)
مينا : وانتي يا مريم بتحلمي جوزك يكون ازاي مريم
مرييييييييييييييييييييييييييييييييييييييييييي ييم انتي رحتي فين
مريم : هه معاك ايوه كنت بتقول ايه
مينا : لا انتي كنتي فين يا بنتي بقولك بتحلمي جوزك يكون ازاي
مريم : بص لازم يكون بيحبني مووووووت ويكون طيب وجميل ودمه خفيف
مينا : ( مينا بيضحك مع مريم ) تصددقي المواصفات دي فيا يعني انفع ابقي جوزك
مريم : ههههههههههههههههههههههههههه يا بنن الايه انا نفسي في ايس كريم دا يا مينا
مينا : من عنيا يا مريم

( مريم ومينا اتمشو كتير اوي وكلموا اكتر وراحوا المطعم بتاع الفندق اتعشوا وطلعوا ناموا )
( تاني يوم الصبح مينا ومريم فطروا سوا وراحوا البحر|)
مينا : ايه يا مريم انتي هتنزلي البحر
مريم : طبعا يا ابني هو انا جايه هنا عشان اتفرج عليه
مينا : طويب خالي بالك من نفسك
مريم : طيب انا بعرف اعوم خالي بالك انتا من نفسك ( مينا علي فكره بيعوم علي اد ه )
مينا : الحقوني الحقوني الحقوني يا مرييييييييييييييييييييييييييييييييييييم بغرق
مريم : ممممممممممممممممممممممممممينا

( كفايه كدا عليكوا وهنعرف حصل ايه المره الجايه )

من طرف **tyota** السبت يوليو 05, 2008 12:24 pm

الحلقه الرابعه عشر

( يالهوي انا سايب مينا دا كله بيغرق ومحدش انقذه دا زمانه ماااااااااااااات لما نشوف حصله ايه)

مينا : يا مرييييييييييييييييييييييييييم الحقيني الحقيني ( ومينا قاعد يطبش باديه ورجليه وينزل ويطلع يا عيني يا مينا

مريم : مينا انا جايه اهه امسك نفسك شويه
( يا عيني مريم كانت لسه بتغير هدومها مش لحقت نطط في الميه بهدومها وجت عند مينا لسه بتمسكه مينا دنه يضحك ويعوم ومريم يا عيني هتعمله ايه وزعلت منه ومشيت

مينا : خدي يا مريم انا كنت بهزر معاكي بجد والله خدي بس مش تزعلي
مريم :دي حركه تعملها فيا بردك انا قلبي وقع في رجلي اخص عليك يا مينا
مينا : خلاص بقه يا مريم المسامح كريم وانتي مش بتزعلي صح
مريم : خلاص يا مينا مش حصل حاجه بس مش تعملها تاني
مينا : اوعدك اني مش هعملها تاني اطلعي بقه غيري هدومك عشان مش تخدي برد
والبسي كده اللي علي الحبل وانزلي عشان هعزمك علي غدوه جامده مووووووووت

( مريم طلعت غيرت ومينا طلع لبس هو كمان اللي علي الحبل وراحوا فين)
فااااااااااااصل اعلاني ونعوووووووووووووووووووووووووووود

اعلانااااااااااااااااااااااااااااات طويله شويه

( مينا ومريم نزله وقابله بعض في الريسبشن )

مريم : ايه بقي يا مينا الغدوه الجامده دي
مينا : لا دي مفاجاه هتعرفيها دلوقتي
مريم : طيب يلا بسرعه عشان انا هموت من الجوع
مينا : اوك يلا تاكسي
التاكس : where are you go?
مينا : see food ( بعيد عنكوا كده دا اكبر محل سمك في شرم )
مريم : وااااااااااااااو ايه المحل التحفه ده يا مينا
مينا : دي حاجه بسيطه كده عشان اعتزرلك علي الموقف اللي حصل الصبح
( مريم بتقول في سرها ياريت تعمل الموقف دا كل يوم )
مريم : موقف ايه يا مينا مافيش حاجه حصلت دا يدوب كان قلبي هيقف
مينا : بعد الشر عليكي عشان الخضه دي قولت اغديكي اكله جامده موووووووت
الجرسون : اوامرك يا افندم تطلب ايه
مينا : بص يا سيدي عايزين ولا جميع انواع السلطات والمخللات
ثانيا بقي هات جميع انواع السمك اللي عندكوا ظبطنا يعني
ومتنساش الجنمبري عشان الفوسفور يعني ظبطنا كده
الجرسون : اي خدمه تانيه يا افندم
مينا : شكرا متنساش اهم حاجه الميه بسرعه
مريم : ايه الاكل دا كله يا مينا احنا هنقدر ناكل دا كله
مينا : ان شاء الله انا بقالي يومين مش باكل الاكل بتاع الفندق ده مش بيشبع خالص
مينا : قوليلي صحيح يا مريم عقبال ما يعملوا الاكل انتي مش اتقدملك حد للجواز خطوبه
يعني
مريم : بيتقدموا والله يا مينا بس انا لسه صغيره مش بفكر في الكلام ده دلوقتي وبعدين انا لسه مش قبلك فارس احلامي يعني لسه شويه

مينا : عملتي خير والله جواز ايه دلوقتي انتي لسه صغيره
مريم : وانت مش حاطط عينك علي حد
مينا : حاطط عيني علي الطفايه دي
مريم : هههههههههههههههههه بجد والله
مينا : لسه والله يا مريم مش قابلتا الانسانه اللي بحلم بيها بس يعني في احتمال اني لاقتها
مريم : وشها احمر واخضر وضرب الوان طيب ما تقولي مين دي
مينا : لا لسه شويه في الوقت المناسب هقولك
الجرسون : الاكل يا افندم

( مينا ومريم اكلوا بالهنا والشفا وشربوا بيبسى واتمشوا لغايه بليل ولفوا البلد
ودنهم يتكلموا كتير اوي مش عارف بيتكلموا في ايه المهم الاتنين روحوا وناموا
تاني يوم بقه صحيوا ونزلوا فطروا وراحوا البحر )

مينا : صباح الخير يا مريم
مريم : صباح الخير يا مينا عامل ايه
مينا : المشي بتاع امبارح ده بوظلي رجلي المهم انتي هتنزلي البحر
مريم : اه بس اوعي تعمل حركه امبارح
مينا : لا خلاص عيب مش عنت هعملها
( مينا مريم نزلوا البحر وبيعموا فامينا وقف شويه ومريم دخلت جوه من كتر الارهاق جالها شد عضل فكانت هتغرق اعدت تنده علي مينا ومينا منفضلها
وكانت هتغرق عايزين تعرفوا هيحصل ايه

استنوا الحلقه الجايه

من طرف **tyota** السبت يوليو 05, 2008 12:28 pm

[size=29]الحلقه الخامسه عشر

( احنا سيبنا مريم بتغرق والحلقه خلصت مش مشكله نكمل )

مريم: مينااااااااااااااااااااااا الحقني يا مينا الحقني بغرق
مينا: (مينا فاكر مريم بتردله المقلب اللي عمله فيها ومينا منفضلها
مينا : بطلي شغل عيال يا مريم انا فاهم الحركات دي ومينا اعد يضحك ( بارد اوي مينا ده هو مش بارد هو عامل نفسه ناصح )
مريم : الحقوني الحقوني بغرق
( مريم بتغرق بجد وعماله يا عيني تطلع وتنزل وتشرب في ميه واتخنقت )
مينا : مريمممممممممممممممممممممممممممم

( مينا عام باقصي سرعه ومريم اغمى عليها ومينا زعلان اوي راح شيلها وطالع بيها علي الشط )
مينا : مريم مريم اوعي تسبيني ( ومينا بيخبط علي صدرها عشان الميه تطلع مافيش فايده )
مينا : مينا جاب الاسعاف وراح بيها علي المستشفي

( الاسعاف جه خد مريم علي المستشفي وهناك عمله الازم طلعوا الميه ورجعولها التنفس وبقت تمام بس لازم تدنها يومين كده
مينا يا عيني في المستشفي بهدوم البحر ودموعه في عينه وبيدعي لمريم )
مينا : دكتور خير
دكتور : خير يا ابني اتطمن الحمد لله هي بخير
مينا : الف شكر يا دكتور الف شكر ممكن ادخولها
دكتور : ممكن

( مينا والدموع تتلالا في عينه داخل علي مريم وبكل رومانسيه )
مينا : حمدالله علي السلامه يا مريم وبيديها ورده
مريم: مرسي يا مينا
مينا : انتي بعد الشر لو كان جرالك حاجه انا كنت هرمي نفسي في البحر
مريم : متقولش كده انتا برده اللي انقذت حياتي
مينا : انتي اللي ردتيلي حياتي والله يا مريم بعد ما تطمني الدكتور
مريم : مرسي يا مينا
مينا : شدي حيلك بقي كده وقوميلنا بسلامه كده
مريم : ان شاء الله مينا روح انت استريح انت شكلك تعبان
مينا : اسيبك وامشي مش هقدر وبعدين انا زي الفل اهه
( صحاب مريم عرفه اللي حصل جم بسرعه يطمنوا عليها )
ريم : مرمر حبيبتي الف سلامه انا مش صدقت والله اول ما قالولي انتي كويسه
مريم : انا الحمد لله كويسه
ريم : الحمد لله
ريم : انا متشكره جدا يا مينا عشان انقذت صحبتي
مينا : علي ايه يا ريم ماهي صاحبتنا كلنا بردك
ريم : عنددك حق يا مينا مرسي اوي

( مريم اعدت يومين في المستشفي وبعدين طلعت كان فاضل يوم واحد بس ويرجعوا )
( مينا وريم وصلوا مريم للاوده بتاعتها ونامت وتاني يوم الصبح )
مينا : حمدالله علي السلامه يا مريم
مريم : الله يسلمك يا مينا والله انا مش عارفه ارد جميلك ده ازاي
مينا : جميل ايه بس هو في بينا جمايل بس علي فكره يا مريم لو كان حصلك بعد الشر اي حاجه انا مش كنت هسامح نفسي خالص
مريم : متقولش كده يا مينا انت بردك الي انقذت حياتي

( في منظر رومانسي تحت السماء صافيه والبحر الازرق والموسيقي في الفندق شغاله )
مينا : بس يا مريم تعرفي وانتي نايمه بتكوني جميله اوي
مريم (وشها احمر وضرب الوان ومش عارفه تقول ايه ) : مرسي يا مينا انت الاجمل ولله
مينا قرب من مريم وبص في عنيها

وهنعرف قالوا ايه لبعض الحلقه الجايه
[/size]

من طرف **tyota** السبت يوليو 05, 2008 12:34 pm

يا جماعه هاكمل المره الجايه لان تعبت جدا من كوبى وبست هو منتقول

انا اسفه يا ادمن ماشفتش انك كنت عملوا قبلى وانت واقف عند الحلقه التاسعه انا هاكمله لغايه الاخر
سامحنى

من طرف mony822 السبت يوليو 05, 2008 3:08 pm

بجد قصه جميله ومضحكه جداً ياريت تكمل القصة

بسم الثالوث القدوس

من طرف rody الثلاثاء يوليو 08, 2008 4:18 am

ده فيلم صعيدى فى الجامعه الامريكية

من طرف **tyota** الثلاثاء يوليو 08, 2008 8:19 am

الصراحه مشفتهوش

من طرف **morra** الثلاثاء يوليو 08, 2008 11:13 pm

جميله جدا جدا جدا
ميرسى ليكى بجد روعه

من طرف مارك الأربعاء يوليو 09, 2008 5:43 pm

gooooooooooooooooooooooooooood

من طرف الهى الحبيب الجمعة يوليو 11, 2008 1:01 am

ميرسى اووووووووووى بجد
وهى قصة حلوووووووووووووووووووووووووة اووووووووووى
بس احنا عايزنى نعرف اللى حصل بعد كدة
وميرسى على تعبك

من طرف **tyota** السبت يوليو 19, 2008 7:32 am

ميرسى على مروركم

من طرف wezoooo الثلاثاء أغسطس 12, 2008 10:22 am

انا عاوز اعرف حاجه وحده بس انتى اعتى تكتبى ده كله امتى

بس الحلقات حلوه مستنى الحلقه الجايه

شكرا ليكى

الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه

رد: الموضوع ده جميل جدا وبيتكلم عن شاب صعيدى وبنت رقيقه ومغامرات بنهم هاتموتوا على نفسكم من الضحك (ثبتوه