لو متغاظ من حد

من طرف nona3 الخميس يناير 24, 2008 4:00 am

الطريقه الاولى :ادخل افتح النور والشباك واطلع بره ....
شويه وهيتقرف ويقوم يقفلهم ... استنى انت بقى لما يروح فى النوم وافتحهم تانى
شويه وادخل وايدك على كوبس النور بقى .... عايزك تفتحه وتقفله3500 .... لحد لما يقوملك ... اطلع انتى اجرى ما الجرى نص الجدعنه .... كدا هيجيله انهيار عصبي ان شاء الله ...

الطريقه التانيه :

جيب كوبايه ميه متلجه وقرب من النايم ودخل ايدك في الكوب وقطر على جبينه قطره ها يرتعش ويمسح جبينه, و يفتكرها دبانه
بعدين قطر على خده قطره , حيفتح عينه ويبحلق فيك روح واخذ الكوب وأبعد عنه لانه ممكن يهزأك وخليه لحد مايتطمن ويرجع ينام وارجع قطر على ايده, هايزعق (يوووووووه) وممكن يزقك مثلا وأخر شيء اطلع من الغرفه خليه يرتاح حرام عليك وبعد
وارجعله بعد ما يروح من النوم .... وفى ودنه بقى اوعدك انه ساعتها هيجله شلل اطفال

الطريقه التالته :

يا سلام بقى فى الحر الى احنا فيه دا وحد نايم ....
تيجى وهوا نايم وتقفل التكيف والمروحه والشباك .... وتروح مغطيه براحه كدا ببطانيتين تلاته كدا ولحاف .... يا سلام ....
هيطلع شوربه واوعى تنسى تقفل الباب عليه بالمفتاح

الطريقه الرابعه :

تجيب راديو خربان .... وتروح مشغل قناه بايظه على اعلى حاجه هتعد تعمل ( تشششششششششششششش) ساعاتها هيجيله شلل رباعى

الطريقه الخامسه :

تجيب طرحه او ايشارب وبطرفه كدا .... وبراحه خالص ... وفى ودنه وعلى وشه .... لحد ما تقرفه وطلع عينه ...
اول لما تلقيه اتنرفز اطلع وادخله لما يروح فى النوم .... وكدا هتربيله الخفيف وتجبله النقطه

الطريقه السادسه والاخيره : (( دى بقى اسبيشيل ))دى بقى تكون لواحد حبيبك وروح قلبك
انت زى الشاطر كدا تجيب ورقه وتعملها قرطاس .... وتحطها بين صوابع رجليه ....
وبالولاعه وتولع ..... هيقوم منطور .... وكدا هيكون جاله شلل رعاش وفقد النطق
وكدا اخدت حقك
علشان تعرفوا بس انى مش حرمكوا من حاجه
ملحوظة : ماحدش يعمل كده الا لما يكون عنده مهارة التخفي بسرعة ومفيش حد يعمل كده مع حد بيلعب رياضات عنيفة ولا واحدة تعمل كده مع جوزها

وابقوا طمنونى