قاموس الجمل لكل الاباء

أنا واثقة ان الكلام ده مش جديد عليكم.......ههههههههه

لكن الجديـد انه اتجمع فى قاموس....هههههههه

((دحنا ليـنا الجنه والله))

انتوا فاكرينى الخدامه اللى جابهالكوا ابوكوا

انت فاكرنا لاقين الفلوس ديـــ في الشارع



ما تتكلمش بصوت عالي في الحمام

والله ما انت فالح .. وادي دقني أهه

ما تنمش غير لما تغسل سنانك

ما تلزقش في التلفزيون كده .. نظرك هيضيع

سلم على عمك كويس يا ولد

يا ابني محدش هينفعك

ما تطلعش ايدك من الشباك

قصة الغريق الكاذب اللي كل مره يقول الحقوني ... لحد ما غرق بجد

ربنا يرزقك بعيل يوريك اللي ورتهوني

ما تطلعش على الملايه النظيفه و رجليك متوسخه كده

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

طلع ايدك من جيبك و انت بتكلمني

ايه الا مبالاه و الاستهتار اللي انت عايش فيهم دول

قوم اقرا لك كلمتين ينفعوك

وطي المدعوق ده شويه


انت فاكرنا نايمين على ودانا ؟

يا ابني انت مسطول ولا ايه ؟

ما تلبسش القميص على اللحم زي العيال الصايعه

بلاش أكل بره

كلمنا لما توصل

عيـــب ... لازم تحترم اللي أكبر منك

لو شفت خناقه ما لكش دعوة بيها

لازم تأكل سلطه

اوعى تكدب عليا كده تاني مرره

اوعى حد غريب يديلك حاجه تاكلها و تشربها و تاخدها منه

يا ابني كلم خالتك العيانه اسأل عليها

بلاش لعب في الشارع

ما تعليش صوتك

وانت فاكر احنا مستنيين منك حاجه

المسلسل مش هينفعك ...قوم


ما تقعدش قدام المروحه وانت مستحمي

كفايه رغي في التليفونات

بلاش وقفة الشبابيك و البلكونات

اوعى تقول لحد هات لي حاجة

كل على مهلك .. وامضغ كويس ... وما تكلشوانت واقف .. وكل من قدامك ما تحفش


اطفي التلفزيون وقوم ذاكر . أو اطفي التلفزيون و خش اوضتك

ربنا يهديك ربنا يهديك ... وأحيانا .. انك لا تهدي من أحببت


صليت العصر ؟!

ما تمشيش حافي في السقعة دي

ما فيش مذاكرة على المزيكا .. أو .. بتذاكر إزاي و البتاع ده شغال جنبك


افرد ظهرك

ما تتأخرش بعد المدرسه و تقعد تصيع مع أصحابك

بص كويس و انت بتعدي الشارع

ومالها الكتب بتاعة الوزاره ؟!

اللي بيشيل قربه مخرومة بتخر عليه لوحده

لو مش فاهم حاجه ارفع ايدك و قول للأستاذ مش فاهم .. متتكسفش
تقعد في أول صف قدام السبوره

ما تردش عليا

مش عايز اسمع صوت

مالكش دعوة بالسياسة .. وماتمشيش في مظاهرات


---------------------------------------------


مواضيعك كالعاده جميله وبدور عليها عشان اتاابعها دائما

الحقيقه فكرة الموضوع ظريفه اوى وبجد تجنن ولكن انا مش عارف هاعمل ايه ولا ايه انتو فاكرينها سايبه

اه اصل انا الفلبينيه بتاعتكم

ماهو كل واحد في البيت مش حاسس انا بعمل ايه عشان تاكلو وتشربو

اقف معوج واتكلم عدل

ماهو بص بقا حركاتك القرعه ده مش هتخيب عليا فين ياولد شبشب اخوك

تلاته بالله العظيم لو ما توقفت عن الاعمال اللى بتعملها ده هاحرمك من كل وسائل التكنولوجيا الحديثه من الكومبيوتر والموبايل والام بي 4

ايه يابنى انت داخل زريبه كنت فين لغايه الصبح

اهلا اهلا البيه شرف ياهانم ده انا بقيت بشوف المسلسل اكتر منك

ماهو طبعا انا البيه الخدام اغسل وامسح واكنس واكوى واطبخ وانتى طول النهار عند الكوافير

بيري بوجه دعوه للناس كلها ياريت نلتفت شويه ونفتح حوار مع الاب والام

الابناء يتفاعلو مع اوليائهم شويه عشان كده هنضيع والاستهتار بقا طايل كل شيء في حياتنا

انما الامم الاخلاق مابقيت وان ذهبت ذهبت اخلاقهم

اسف للاطاله

سمسم


-----------------------------------------
على فكرة انتى عندك حق فى كل اللى انتى كتباه وبصراحة اسلوب التعليم ده هو اللى خلى العيال جهلة .... عايشين فى روتين ... وبياكلوا بروتين

واكتر حاجة مضايقانى انا اللى عندى 13..لما ماما تيجى تقولى حاجة وآجى ادافع عن نفسى .. تقولى متردش عليا

وعلى فكرة اللى خلاهم يقولوا سيب الكمبيوتر وروح نام او سيب الكمبيوتر وذاكرلك شوية

معناها ان الكمبيوتر بيبوز عقل العيال او هما مش عاوزنا نترفه خالص فى ايام الدراسة على الأقل كراحة

وده على أساس انهم فاكرين ان التعليم فى مصر ما شاء الله

والدليل على كدة

لما السوفيت طلعوا القمر وطافوا حوليه من غير ما ينزلوا

فالأمريكان غاروا

وقاموا مغيريين أسلوب التعليم كله وهو ماهو كان من بدرى مما يدل على أنهم مش مهتمين بالأطفال وتعليمهم الصحيح اللى بيعتمد على الفهم مش الحفظ

المهم لما غيروا أسلوب التعليم ونجح الأمريكان يطلعوا القمر ووقف نيل أسترونج على القمر وهو أول شخص يحط رجله على القمر

ولما أستضافوا مسئول فى البيت بيتك

قالهم احنا لما رحنا ايطاليا قالوا ان فعلا أسلوب تعليمنا كويس وهايفيد العيال( اللى طالعة تافهة دلوقتى (



طبعا الا انا والحمد لله

طبعا ايطاليا ماقلتش العيال تافهة لكن ده زيادة من عندى

طبعا أيطاليا ودول اوروبا مش هايقولوا على تعليمنا حلو علشان نفضل متخلفين زى ما احنا

وربنا يوفقنا يارب ويوفق العقول المتفتحة

وشكرا جدا على مواضيعك الهايلة يا بيرى وأرجو ان احنا نكون أصدقاء