اشتغالات جامدة موت

بيقولكوا مرة واحد مخنوق من الدنيا واللى فيها ورن جرس الشقة الساعة 10 الصبح

بتقوله صباح الخير عايزين نعرف انت بتعمل ايه فى يومك

قالها بصحى من ام النوم
اروح ام الحمام
افتح ام الحنفية
اغسل ام وشى
اروح ام الاوضة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
وبعد ما اخلص ام الشغل
ارجع ام البيت وخلاص
قالت ليه شكرا يا فندم ويلعن ام البرنامج اللى خلانا تشوف ام وشك

ندخل تانى واحدة برجلنا اليمين والاشول يفضل للى جاية للاننا هندخلها بالشمال

واحد صعيدى كان مسافر ولما وصل المطار عرف ان فى جهاز جديد لو اى واحد وقف قدامه يقوله معلوماته كلها

راح وقف قدام الجهاز قاله انت هريدى من الصعيد وعندك طيارة بعد نص ساعة

فرح اوى وراح غير لبسه ولبس اجنبى

وراح وقف قدام الجهاز الجهاز قاله انت هريدى من الصعيد وعندك طيارة بعد تلت ساعة

فرح وراح لبس خليجى ورجع وقف تالت

قالتله ايوة انت هريدى ومن الصعيد وخليك قاعد تستهبل كدة لغاية ما الطيارة هتفوتك

ندخل على التالتة برجلنا الشمال

صحيفة تجرى لقاء مع احد ملاك البقار
المذيعة بتقوله انت بتاكل البقر ايه
رد عليها انهى فيهم البقرة البيضا ولا البقرة الحمرا
قالت ليه البيضا
قالها برسيم
قالتله طيب والحمرا
قالها بردوا برسيم
قالتله طيب بتخليهم يناموا فين
قالها البيضا ولا الحمرا
قالت ليه البيضا
قالها فى الحوش اللى هناك ده
قالت طيب والحمرا
قالها بردوا فى الحوش اللى هناك
قالت ليها لما بتحب تفسحهم بتفسحهم فين
قالها البيضا ولا حمرا
قالت البيضا
قالها باخدها عند الترعة لفتين كدة
قالت طيب والحمرا
قالها بردوا عند الترعة لفتين
قالت ليه هو ليه كل ما اسئلك تقولى البيضا ولا الحمرا وانت بتعاملهم زى بعض
قالها اصل البيضا بتاعتى
قالت ليه طيب والحمرا
قالها بردوا بتاعتى

يا رخامتك يعنى وتقل دمك

ندخل كلنا على دى واللى بيخاف ميدخلش
بيقولكوا مرة واحد بيقول لصاحبه انا هعمل مفاجاة لمراتى فى عيد جوازنا
صاحبه قاله هتعمل ايه يعنى

قاله هسفرها الصين
صاحبه قاله هتسفرها الصين فى عيد جوازكوا االعاشر

امال فى عيد جوازكوا الخمسين هتعملوا ايه

قاله هروح اجيبها من هناك

قربنا نخلص اللى قلبه جامد من البنات واللى متجوز ومش بيخاف من مراته يدخل واللى بيخاف ميدخلش بردوا

مرة واحدة بتقول لجوزها اطرد السواق كان هيموتنى مرتين
قالها طيب نديله فرصته فى التالتة