استفسار عن العلاقات الانسانية

من طرف navnova الثلاثاء أغسطس 11, 2009 4:10 am

انا بجد عايزة اعرف اتصرف ازاى

انا موظفة ومعايا زملية ليا انا اقدم منها كتييييييييير قوى بص انا مش ملاك بس صدقنى اول ما جت علمتها كل شئ وكتبت كل شئ عن الشغل فى ورق حتى تستطيع انها ترجع ليه فى اى وقت تحب

لكن بعد شوية ابتدت تتصرف تصرفات غريبة ابتدت تحطنى فى وضع وحش امام المديرين بمعنى انها بتخبى عنى الشغل علشان لما اتسال اقول معرفش ومش عارفة هى ليه بتتصرف معايا كده

على فكرة انا عاتبتها كتيييييييييير قوى لانى بجد مش عايزة مشاكل لكن مش فى فايدة فابتديت اكبر دماغى وقلت لنفسى لازم ادور على كل حاجة بنفسى لكن الموضوع ده متعب جدا المهم الشئ اللى مضابقنى واللى مخلينى افضفض معاكم

ان اسلوبها معايا وحش قوى لانها مش بتحب تقول انها غلطت او نسيت فكل ما يحصل حاجة غلط منها فى الشغل واجى اطكلمها علشان نتفادها تفضل تزعق وتعلى صوتها وترمى الورق فى وشى

وكذا مرة نتخانق بسبب هذا الاسلوب انا خلاص تعب وزهقت وبجد مش عايزةاكلمها تانى خالص

لكن هل ينفع الحكاية دى وخاصا اننا فى صيام

اعمل ايه قولى وشور عليا من فضلك انا خلاص تعبت وبقول لربنا ليه بيحصل معايا كده ليه مع انى يعلم الله مش بعاملها وحش وبشيل عنها كتيير جدا وبعلمها كل حاجة انا اعرفها وطول فترة شغلنا مش خبيت عنها حاجة خالص

من فضلك ردوا عليا لانى بجد تعبانة خالص ومش عارفة اركز فى اى حاجة

سلالالالالالالالالام

من طرف Shady 09 الخميس أغسطس 13, 2009 1:36 pm

الحل لهذه الشخصية انك تصلى من أجلها ان ربنا يخليكى تلاقى نعمة فى عينها زى النعمة اللى اعطاها الله ليوسف فى عين فوطيفاروأحبه وأيضا تصلى من أجل نفسك انك تتحمليها وتحاولى تطبقى الاية اللى بتقول على قدر طاقتكم سالموا جميع الناس وتقابلى معاملتها السيئة بالخير زى ما قال الكتاب المقدس أحبوا أعدائكم أنا عارف انى دى درجة عالية لكن بشفاعة العدرا والقديسين ومعونة ربنا تقدرى تعملى كده ربنا معاكى وملك السلام يعطيكى السلام

من طرف navnova الثلاثاء أغسطس 18, 2009 2:18 am

شكرا لردكم بس عايزة اقول حاجة
انا قعلا بصلى لاجل ان الله يدينى نعمة فى عينها وبصلى كمان انى احتملها بس المشكلة انها خليتنى اظن فيها السوء على طول لان ليها تصرفات غريبة جدا وكلامها كله ملتوى وموضوع ظن السوء ده بيخلينى اضايق جدا ومخلينى حاسة انى مش صايمة كمان انا قررت انى اختصرها خالص هل ده غلط ولا لآ واقدر بكده اتناول ولا لأ

شكرا

من طرف **مدام مارى** الأربعاء أغسطس 19, 2009 6:24 pm

حبيبتى تعالى نشوف الانجيل بيقول ايه عن الغفران

غفران
الله

"أنا
، أنا هو الماحي ذنوبك من أجلي وخطاياك لن
أذكرها"
(إشعياء 43 : 25)

"تدوس
ذنوبنا وترمي كل معاصينا في أعماق البحر" (ميخا
7 : 19)

هل
يجب علينا أن نغفر ؟

إقرأ
متى 18 : 23-35

"واغفر
لنا ذنوبنا كما نغفر نحن أيضا للمذنبين إلينا
...فإنه إن غفرتم للناس زلاتهم يغفر لكم أيضا
أبوكم السماوي وإن لم تغفروا للناس زلاتهم لا
يغفر لكم أبوكم أيضا زلاتكم" (متى 6 : 12، 14،
15)

"محتملين
بعضكم بعضا ، ومسامحين بعضكم بعضا، إن كان
لأحدكم شكوى على آخر ، كما سامحكم الرب ، هكذا
افعلوا أنتم أيضا" (كولوسي 3 : 13)

"إن
اخطأ اخوك في حقك سبع مرات في اليوم ورجع اليك
سبع مرات قائلا: انا متأسف, فسامحه." (لوقا17: 4)

"وجاء
بطرس وقال له: يا سيد كم مرة اسامح اخي عندما
يخطىء في حقي؟ هل سبع مرات؟ فأجابه يسوع: لا
سبع مرات بل سبعين مرة سبع مرات." (متى18:
21-22)

من
نتائج الغفران:

1-
الغفران يغلق بابا على إبليس من دخول حياتنا:

"فإن
كنتم تسامحون أي واحد فأنا ايضا اسامحه ...لئلا
يغلبنا الشيطان لأننا نعلم حيله"
(2 كورنتوس 2 : 11)

2-
يطلق بركة للآخرين لقبول المسيح:

عند
رجم استفانوس وقبل استشهاده صرخ قائلا: "يا
رب لا تحسب لهم هذه الخطية." وكان شاول
الطرسوسي حاضرا... ونرى بعد ذلك تحول شاول الى
بولس

التوبة
قدام الرب عن عدم الغفران

"من
يكتم خطاياه لا ينجح، ومن يقر بها ويتركها
يرحم" (أمثال 28 : 13)

"
أثم اعترفت لك بخطيتي ولم اكتم اثمي بل قلت:
اعترف لله بمعاصيّ. فغفرت لي ذنوبي." (مزمور
32 : 5)

فى النهايه ارجو منك ان تسامحى لكى تربحيها لانه عندما غفر المسيح لنا خطايانا واستطاع أن يربحنا بمحبته.

من طرف Shady 09 الجمعة أغسطس 21, 2009 7:23 pm

أعتقد ان الموضوع دلوقتى بقى اسهل وبقى فى دافع انك تسامحى علشان تفوزى بالبركات اللى وعد بيها ربنا وتقدرى تعتبرى ان ده صليبك وهيكون سبب بركة ليكى فى حياتك اذا قبلتيه بشكر وممكن تقللى من التعامل معاها بقدر الامكان لكى لاتعثرى أو تدينى تصرفاتها مع الاحتفاظ بكل الحب ليها لأن ربنا أوجد لكل انسان صليبا يحمله لكى يكافىء من أجل حمله. ربنا يبارك حياتك واذا عملتى كده تقدرى تتقدمى للتناول