رد على موضوع تفاصيل حادثه الزيتون

رد على موضوع تفاصيل حادثه الزيتون

وأسف للتكرار

ولو حابين تحذفوا المشاركه لكم الحريه ,,,
________________________________
سلام عليكمم ولكم ومساء الخير علينا جميعا
سيف عامر من مصر
دخلت المنتدى هنا فعلا صدفه وانا بدور على جوجل
لكن لفت نظرى اسلوب تفاصيل سرد حكايتك لأنى كنت عاوز اعرف تفاصيلها ,,,,
اولا اشكرك على اسلوب فى الحوار ,,,
لكن بجد انا سجلت لغرض واحد وممكن توقفوا العضويه لو حابين مش هتفرق
ان المسلمين والمسيحين فى مصر مش أعداء
ياجماعه انا جيرانى مسيحين ومع بعض احنا فى كل شىء حتى فى العيد ولدرجه لا تتخيلوها
مش عارف بجد اقولكم ايه ولا ايه على اللى بيحصل
بس فى فيلم أظهر قبل كدا ان مصر بيحاولوا يعملوا فيها بجد تفرقه عنصريه
لكن صدقنى وصدقينى
ومن غير اى عقل ولا تفكير
جرب توقف اى شخص فى الشارع

وحاول تفتح معاه حوار
وأساله عن رأيه فى مسيحين مصر ,,, وقف اى شاب او راجل كبير او فى مترو او حتى سواق تاكسى ودردش معاه ,,,
ولما تسمع الاجابه اللى ترضى روحك الطيبه

هتعرف ان اللى بيحصل دا كله انهم ناس غرضهم بس المكيده

انا مش داعيه
ولا شيخ
ولا اى شىء
سوى بجد انى طالب رحمه ربنا فى أرضه ومش حابب انى ادخل فى جدال لأنى مش أحبه من البدايه فى اى شىء فى الحياه

ياجماعه أخر كلمه ومن قلبى

عذرا على أى شىء بيحصل
بس بجد انا عارف ان فيكم أصحاب عقول جميله جدا وهتعرف تفهم دا

وربنا يكرم الجميع ويوفقنا لكل شىء طيب فى الدنيا

يلا تحياتى ليكم جميعا

وأسيبكم بخير

وسلام عليكم ولكم

أهلا بيك معانا
أسف لو كان الكلام جارح بس أنت لو مكنا تعمل ايه كل اللى بيحصل ده ليه انا عارف ان الموضوع جارح شويه بس بصراحة مش عندنا حق مش كل المسليمين وحشين ومش كل المسليمبن كويسين
صراحتآ انا لى أصدقاء فى العمل مسليمين وعلاقة من أحسن العلاقات اللى ممكن تشوفها بين مسلم ومسيحى
رجـــــــــــــــــــــــــــــــــــــــــــــــــــــاء العزر

السلام عليكم جميعا
والله انا كنت واثق ان فى ناس هترد وهتقدر الكلام وفعلا ظنى فى محله
بس خير
بجد ربنا يبارك فيكم كدا ويكرمك يايوحنا انتا ومدام مارى ومش تعتذر ياحبيبى لأنك فعلا انسان زوق فى كلامك

ردى على مدام مارى
انا بشوف دا كتير

أحيانا انا بسخط على الوضع
عارفه يامدام مارى
انا مش هدافع عن اى شخص بعينه ,,,, لكن لما بحب أفتكر الهدوء فى كل شىء بتفرج على أفلام جمعت بينا فى حروب ومقدسات
انا مش عاوز اطول زى بدايت موضوعى
وبرضه انا مش أحب انى أتصفح المنتدى كتير لأانى قريت عنواين مواضيع فعلا فى ناس فهماها غلط جدا
زى ماكتير مننا فاهمين عن دين المسيحيه غلط
انا مش بحب ااقول انتم واحنا لأننا واحد
وأفتكر انى فى اليوم اللى كنت هرتبط فيه كنت هرتبط ببنت على الديانه المسيحيه وكنت متقبل دا

لكن زى ماكلنا بنقول الغلط فينا او فيهم او فى كائنات مش بنشوفها هههههه

لكن فعلا احنا واحد ’’’حاجه أخيره
انا بفضل الله بشتغل من فترات طويله فى جمعيات خيريه وليها أكتر من نشاطات وصدقونى فى بنات مسيحين بيجيوا عندنا وعاوزين يشتغلوا معانا ويساعدوا الناس وبينزلوا ,,,
تعالوا بس كل واحد يبدأ بحالته وبنفسيته
وانا بعتذر يامدام مارى على كل شىء
وان كان الشارع المسلم المصرى فقد أدبه فأنى شايف ان الشعب العربى كله فقد سيطرته على عقله

واحده واحده
وان شاء الله خير من عند ربنا
تحياتى للجميع
وربنا يبارك فيكم ويجعمنا تحت عرشه ورحمته ونعمته
اسيبكم بخير وفى خير
سلام عليكم

سلام عليكم
ازيكم كدا ياصحبه ياجميله اخباركم ايه عساكم بالخير والخير مش يفارق بيتكم,,,,
ونستكمل المحاوره الجميله اللى بستمتع بيها ,,على فكره انا كاتب بس من فترات مش بكتب هههه الانشغال فى مصر بالشغل بيخليك تنسى كل هواياتك,,,,
أرد على مدام مارى عشان خلاص بقينا أخوات ومش أحب انى اتجادل فى فى اى شىء حتى ولو بفهم فيه
هيا نقطه واحده ,,وهيا نقطه زواجى من مسيحيه
صدقينى يامدام مارى وبصدق من جوايا ارتحت ليها ,,كمان كانت بتفكرنى بسيده راهبه عندكم انا قرأت عنها شخصيا وحاطط صورتها على موبايلى الخاص وهى السيده (ايرينى) أنا بحترمها جدا وقريت عن حياتها كتير
زى مافى حديث بيقول فى سيرتنا النبويه (الارواح جنود مجنده من تعارف من أئتلف ) الى نهايه الحديث
وانا بجد روحى تئالفت مع البنت دى زى مادرست سيره راهبه المفروض ولا عمرى اعرف عنها حاجه ولا شوفتها ,,, بس الصدف والارواح اللى انا مؤمن بيها جدا فى حياتى ,,,,,
مش هخوض فى تفاصيل ,,,بس بفضل الله انا عقلانى وقدرت انهى الموضوع لأنه فى مصر مش هينفع خوفا عليها وخوفا عليا ,,,,

بجد يامدام مارى قلبتى القديم هههههه بس خير والله اننا نفتكر ايام كويسه وكنا نتمنى تكمل وعلى فكره لو فى عقل وحكمه صدقينى كل شىء بيمشى يلا خير
ولو شاء الله ربنا تانى انى ادخل واشوفكم هدخل واكتب موضوع الى اصحابى واخواتى بسلم بس وتردوا عليا كمان ههههه
يلا اسيبك بخير
وتحياتى

سلام عليكم يا ابن الملك حبيب قلبى مساء الخير على عيونك
والله كلامك وصل لقلبى عشان هوا من قلبك
حسيت انك قدامى كدا وربى
وبجد تسلم على زوقك انتا فى ردك وانا اتشرف اننا نكون اصحاب على الميل كمان وتنزعج من النيكنيمات بتاعتى الغريبه
وبعدين تعالى هنا
انتا المفروض تعملى موضوع ترحيب كمان وبعدين ان شاء الله فى مره من المرات كدا ازعجكم بموضوع من كتابتى الغريبه

ولا اقولك دلوقتى هتلاقيه فى قسم المختص بالكتابات

يلا سلام عليكم بقى عشان ألحق الموضوع قبل معاد النوم
وتحياتى ليك كتييييير جدا

ماشى يا عم انا هاروح اشوفك كتبت ايه بس باين من كلامك انك شاطر قوى فى الكتابه يالله سلام بقى