حرامى سرقة منى :منقول:

كان مرة فى رسام موهوب جدا جاتلة فكرة لوحة حلوة اوى فى خيالة .جهز فرشة والوانة وادواتة واستعد انة ينفذها .فضل سهران ليالى كتير لحد ما خلصها بابداع وكان فرحان اوى بيها راح مسكها قدامه وقالها انابحبك مراتين مرة لما كنتى فكرة فى خيالى ومرة لما سهرت فيكى الليالى .وفى مرة كان الرسام برة البيت ولما رجع ما لقاش اللوحة بتاعتة كان جة حرامى سرق حجات كتير من البيت ومن ضمنهم اللوحة .حزن جدا الرسام على اللوحة بتاعتة .الحرامى اللى خد اللوحة اظاهر مكنش عارف قيمتها راح يبيعها لواحد بتاع لوحات ضحك علية وقالة ده متساويش غير 20جنية ووافق الحرامى . وفى مرة كان الرسام معدى لقى اللوحة بتاعة عند الراجل بتاع اللوحات قالة دى بتاعتى انا اللى عاملها قالة عايزة ادفع 1000جنية .راح الرسام باع كل حاجتة ورجع اشترى اللوحة وراح بيها البيت وكان مبسوط اوى ومسكها تانى وقالها بحبك3مرات مرة لما كنتى فكرة فى خيالى ومرة لما سهرت عليكى الليالى ومرة لما دفعت فيكى تمن غالى .وبعدها دخل ينام بس ماجالوش نوم لان اللوحة اتخربشت واتبهدلت من الحرامى راح قام جهز فرشة والوانة وادواتة تانى وفضل يصلح فيها لحد ما خلاها احلى من الاول ومسكها تانى وقاله بحبك 4مرات مرة لما كنتى فكرة فى خيالى ومرة لما سهرت فيكى الليالى ومرة لما دفعت فيكى تمن غالى ومرة لما رجعتك للى كان فى بالى :بالظبط دة اللى ربنا عملة معانا خلقنا على احسن صورة على صورتة ومثالة ولما ضعنا دفع فينا اغلى تمن دمة الغالى على الصليب ومحبتة لينا منتهتش عند الصليب لكن فى كل مرة نخطى بيسامحنا[b]