بسم المسيح شرح القسم المشاكل الشخصية والفضفضة

سلام ونعمة اخواتي انني فخورة بانتسابي لهذا المنتدى العظيم وشرف كبير انني كل يوم ازداد تعلقا في هذا المنتدى افكاركم عظيمة ومفيدة بارك الرب تعبكم و الف شكرا اختكم فريال

سلام المسيح بجد دى فكره حلوه قوى قسم الفضفضه دى ومجرد الكلام بيريح الانسان لانه بيحس ان فيه ناس بتشاركه المشكله بتاعته وكمان لما نصلى مع بعض انشاء الله المشكله تنحل لان ربنا وعدنا ووعده صادق وامين عندما قال لو اجتمع اثنين باسمى او اكثر اكون وسطهم وكمان اطلبو تجدو اقرعو يفتح لكم اميييييييييييييييييييييين

بجد فكره جميلة تقرب اعضاء المنتدى من بعض
شكرا لتعبكم

انا فعلا تعبانة جدا انا امي وابي متوفين من وانا عندي 6 سنين من صغري وانا محرومة من الحنان عائلتي مش ناس حنين خالص تعبوني كتير في حياتي وقسيت منهم كتير اوي منذو طفولتي ولحد الان بقاسي منهم من عدم حنيتهم واساءة المعاملة ليا والمشكلة اللي مضيقني اكتر اني عمري ملقيت صحابة ليا كويسة وله حتي وفيا ليا وله علي اسراري انا بتخدع في كل الناس اللي اعرفهم حتي اقرب الناس ليا مشكلتي اني كان نفسي ليا صديقة تكون قريبة من قلبي وصديقة تكون فعلا جديرة ومحل ثقة لصدقتي بس للاسف عمري ملقتها في حياتي وكمان المشكلة الاكبر اللي انا بعاني منها قسوة جوزي عليا مبقاش حنين زي الاول معايا وبقا مبيفرقش معاه زعلي زي الاول حاسة بحاجة بتخنقني كل يوم من القسوة ديه انا طول عمري اتحرمت من الحنيا اجي بردو القيها مع جوزي اكيد انا مش هقدر استحمل كل ده انا مبقولش غير يارب انا اسفة اني طولت عليكو بس كان لازم احكي مع حد

سالى حبيبتى احب اقولك ان اجمل صداقه هى صداقة القديسين
وان احن واحد ممكن تلجئى ليه فى اشد تعبك هو رب المجد
وكمان انا بتمنى ان اكون اختك وصحبتك بجد انا اتشرف بكده
واتمنى بجد نكون مش بس اصحاب كمان نكون اخوات وربنا معاكى ياحبيبة قلبى

وانا كمان اتشرف بده اوي اوي ولو عندك اميل ابعتهولي عشان نكلم بعض علي طول انا اميلي rock_top39@yahoo.com

ميرسى ياحبيبتى وان ايميلى
loka.christ@yahoo.com

انا من سوهاج وسافرت هجرة امريكا انا واسرتى ٤ افراد ولم اتوفق فى عمل كويس استطيع ان اعيش به وطرقت باب الكنيسة للماعدة ولم اجد اى يد تساعدنى ولكن شاء ربنا واستطعت ان اوفر ثمن تذاكر العودة بصعوبة ولكن خايف ارجع لانى لو رجعت ساتحطم نفسيا ولن اذهب امريكا تانى ولو قعدت مش قادر اعيش لان الدخل لا يغطى المصاريف وشاء ربنا ووجدت انسان فى ولاية تانية سوف يساعدنى اذا سافرت الى الولاية التى يعيش فيها والمشكل اى سوف اخسر ٣٠٠ دولار فى كل تذكرة يعنى ١٢٠٠ دولار وانا لا امتلك اى نقود اخرى فماذ افعل

صلي كتير اوي وقول يارب انا محتاج اسمع صوتك من خلال اي حد او افتح الكتاب وقول يارب كلمني عبدك سامع وصدقني مش هتلاقي راح اكتر من الراحة اللي هتلاقيها بعد متفتح الكتاب المقدس وانا واثقة جدا ومتاكدة ان ربنا هيكلمك ويقولك تعمل ايه الهنا صالح اوي يا وعظيم اوي اوي ويمكن حطك في التجربة ديه عشان هو مطعتش لسماع صوتك والرجوع اليه انا هستنا ردك عليا لما ربنا يكلمك وانا واثقة فيه انو هيجاوب علي كل اسئلتك امين

شكرا هي صفحة حلوة انا شبهتها بكرسي الاعتراف ويا ريت بجد يكون في حد يحاول يخف عن مشاكل الناس حتى لو كان بكلام عبر موقع او نت

الأخت سالي بالتأكيد إن النفس الشبعانة تطأ العسل والنفس الجائعة تجد المر حلو... أنا متأكدة من شيء واحد في هذه الدنيا بأن الرب يسوع وحده يقدر أن يملأ قلوبنا بكل الإحتياج إلى الحنان والتعضيد والثقة... لقد مررت في فترة ليست بالقليلة من حياتي بتجربتك تلك... ولم يستطع أي أحد أن يروي ضمأ نفسي إلاَّ الرب يسوع الذي ومنذ اللحظة الأولى لدخوله حياتي غير معنى الحياة ومنحني ثقة وسلام وأمل في المستقبل... نحن بشر وليست المشكلة في زوجك ولا في أي أحد آخر في حياتك لأن الجميع أخطأوا وأعوزهم مجد الله ولهذا لاتبحثي عن الحل في أي مكان آخر غير حضن الرب... الذي يعطي بسخاء ولايعير.. الذي يشبع وتأكدي بأنه سيستخدمك لكي تخبري عن عمله العظيم معك وأن تشجعي آخرين يجتازون في هذه المحنة مثلك...كل ما عليك أن تفعليه أن تسلمي له حياتك بالكامل تحت الصليب وتحت مظلة الدم الكريم وعليك أن لاتعودي وتأخذي أفكارك ومخاوفك ومشاعرك معك بعد الصلاة بل إتركيها هناك بالكامل تحت أقدام المصلوب لأنه هو الوحيد القادر أن يحملها عنك... وتأكدي بأنك قد ولدت من جديد من رحم السماء وبأنه هو أبوك.. والروح القدس روح الحنان هو أمك وإن الله سيعوضك عن كل حنان إفتقدتيه في حياتك على هذه الأرض... ولن تعودي تدعين بالمهجورة أو المنبوذة بل ستعدين بمدينة الرب...وأقول لك كما يقول إشعياء60 قومي إستنيري لأنه قد جاء نورك ومجد الرب أشرق عليك
أختك في الرب يسوع أم نورا